ۇلتتىق قاۋىپسىزدىك كوميتەتىنىڭ ەكس-باسشىسى كارىم ءماسىموۆتىڭ استاناداعى ءۇيى ءۇشىنشى رەت اۋكتسيونعا شىعارىلدى، دەپ حابارلايدى «ادىرنا» ءتىلشىسى.
بۇعان دەيىن قايتارىلعان اكتيۆتەردى باسقارۋ جونىندەگى كومپانيا جەرتولە قاباتى بار تۇرعىن ءۇيدى 1,8 ملرد تەڭگەگە باعالاعان ەدى. ال قازىر ونىڭ قۇنى 1,6 ملرد تەڭگەگە دەيىن تومەندەتىلىپ وتىر. العاشقى جارناسى 117,9 ملن تەڭگەنى قۇرايدى.
ءۇيدى ساتىپ الۋعا ءوتىنىش 2025 جىلدىڭ 13 مامىرىنا دەيىن جالعاسىپ، ساۋدا-ساتتى سول كۇنى وتەدى. ءۇي استانا قالاسى، نۇرا اۋدانىنىڭ، ەرەيمەنتاۋ -1 مەكەنجايىندا ورنالاسقان.
ەسكە سالايىق، كارىم ءماسىموۆ 2022 جىلعى قاڭتارداعى وقيعا كەزىندە ۇستالعان ەدى. 2023 جىلعى ءساۋىر ايىندا استاناداعى سوت ءماسىموۆتى مەملەكەتكە وپاسىزدىق جاساعانى، بيلىكتى كۇشپەن باسىپ الۋعا تىرىسقانى، بيلىك پەن لاۋازىمدىق وكىلەتتەرىن اسىرا پايدالانعانى ءۇشىن 18 جىلعا باس بوستاندىعىنان ايىردى.
