بۇگىن كاتوليك شىركەۋىنىڭ باسشىسى ريم پاپاسى فرانتسيسك دۇنيە سالدى. ريم ەپيسكوپىمەن قوشتاسىپ جاتقان كاتوليكتەر ەندى ونىڭ ورنىنا كەلەتىن جاڭا پاپانى كۇتۋدە.
15 كۇننەن كەيىن دۇنيە ءجۇزىنىڭ كاردينالدارى ريمگە جينالىپ، جاڭا پاپانى سايلايدى. قازىرگى تاڭدا بۇكىل الەمدە 252 كاردينال بار، بىراق ولاردىڭ تەك 135-ءى عانا داۋىس بەرۋ قۇقىعىنا يە، سەبەبى ولار 80 جاسقا تولماعان.
جاڭا پاپانى سايلاۋ ءۇشىن ۇشتەن ەكى كوپشىلىك داۋىس قاجەت. ەگەر كەلىسىمگە كەلمەسە، داۋىس بەرۋدىڭ كەلەسى تۋرلارى جالعاسا بەرەدى، جاڭا ۇمىتكەر قاجەتتى قولداۋعا يە بولعانشا. داۋىس بەرۋ ناتيجەسىندە كونسەنسۋس بولماسا، بيۋللەتەندەر ورتەلەدى، جانە سيكست كاپەللاسىنداعى مۇرجادان شىققان قارا ءتۇتىن كونكلاۆتىڭ جالعاسىپ جاتقانىن بىلدىرەدى.
اق ءتۇتىن پايدا بولعاندا، جاڭا پاپا سايلاندى دەگەن ءسوز.
مۇمكىن ۇمىتكەرلەر قاتارىندا — لۋيس انتونيو تاگلە (67 جاستا، فيليپپيننەن), پەترو پارولين (70 جاستا، يتاليادان، 2013 جىلدان بەرى ۆاتيكاننىڭ "پرەمەر-ءمينيسترى"), پيتەر تاركسون (76 جاستا، گانادان), جانە پيتەر ەردو (72 جاستا، ۆەنگريادان، كونسەرۆاتيۆتى كوزقاراستاعى ۇمىتكەر) بار.
