مەملەكەت باسشىسى قاسىم-جومارت توقاەۆ ريم پاپاسى XIV لەوعا قۇتتىقتاۋ جەدەلحاتىن جولدادى، دەپ حابارلايدى “ادىرنا”.
قاسىم-جومارت توقاەۆ ريم پاپاسى XIV لەونى قازاقستان حالقىنىڭ اتىنان قۇتتىقتادى.
ء“سىزدى كيەلى تاق يەسى ەتىپ سايلاۋ ارقىلى كاتوليك شىركەۋى حالىقارالىق احۋال كۇردەلى كەزەڭدە بەيبىتشىلىك پەن تۇراقتىلىقتى دارىپتەۋ ىسىندە ماڭىزدى ءرول اتقارا بەرەتىنىنە سەنىمدىمىن”، – دەپ جازىلعان جەدەلحاتتا.
پرەزيدەنت ءارتۇرلى ءدىني نانىم وكىلدەرى مەكەن ەتەتىن قازاقستانعا ريم پاپاسى ەكى مارتە ساپارمەن كەلگەنىنە نازار اۋدارىپ، حالىقتار دوستىعىن، دىنارالىق سەنىم مەن ىنتىماقتى نىعايتۋعا باعىتتالعان ورتاق كۇش-جىگەردى ەلىمىزدىڭ ءاردايىم قولدايتىنىن جەتكىزدى.
ەسكە سالساق، 7 مامىر كۇنى ۆاتيكاندا جاڭا ريم پاپاسىن سايلاۋ ءۇشىن كونكلاۆ باستالعان ەدى. بىرىنشى جانە ەكىنشى تۋردا كونكلاۆ جاڭا پاپانى سايلاي الماي، سارسەنبى كۇنى كەشكە جانە بەيسەنبى تاڭەرتەڭ سيكستين كاپەللاسىنىڭ مۇرجاسىنان ەكى رەت قارا ءتۇتىن شىقتى. كەلەسى كۇنى جاڭا ريم پاپاسى سايلاندى.
