اقش پرەزيدەنتى دونالد ترامپ پاپا فرانتسيسكتىڭ جەرلەۋ راسىمىنە جۇبايىمەن بىرگە قاتىساتىنىن مالىمدەدى، دەپ حابارلايدى "ادىرنا" ۇلتتىق پورتالى.
بۇل – اق ۇيگە قايتا ورالعاننان كەيىنگى ونىڭ العاشقى شەتەلدىك ساپارى.
«ءبىز مەلانيا ەكەۋمىز پاپا فرانتسيسكتىڭ جەرلەۋىنە قاتىسۋ ءۇشىن ريمگە بارامىز. سول جەردە بولۋدى اسىعا كۇتەمىز»، – دەدى ترامپ.
ءريمنىڭ العاشقى حالىقارالىق باعىت رەتىندە تاڭدالۋى باقىلاۋشىلاردى تاڭعالدىردى. ادەتتە، امەريكالىق پرەزيدەنتتەر الدىمەن لوندونعا بارادى. الايدا ناۋرىز ايىندا ترامپ بۇل داستۇردەن تەك ءتيىمدى ينۆەستيتسيالىق كەلىسىمدەر بولعان جاعدايدا عانا باس تارتاتىنىن ايتقان ەدى.
كەيبىر ينتەرنەت قولدانۋشىلارى بۇل ساپار يتاليا پرەمەر-ءمينيسترى دجوردجيا مەلونيمەن قارىم-قاتىناستى نىعايتۋعا ىقپال ەتۋى مۇمكىن ەكەنىن بولجادى. جاقىندا مەلوني – ترامپ اق ۇيدە قابىلداعان العاشقى ەۋروپالىق مەملەكەت باسشىسى بولعان.
سونداي-اق، اقۇيدىڭ ءباسپاسوز حاتشىسى كەرولاين ليۆيتت دونالد ترامپتىڭ 13-16 مامىر ارالىعىندا ساۋد ارابياسىنا، قاتارعا جانە بىرىككەن اراب امىرلىكتەرىنە ء(باا) باراتىنىن ايتتى.
ليۆيتت ترامپتىڭ ءۇش ەلگە ساپار شەگەتىنىن ايتقانىمەن، ساپاردىڭ ەگجەي-تەگجەيىنە توقتالمادى.
