AQSh prezıdenti Donald Tramp Papa Franısktiń jerleý rásimine jubaıymen birge qatysatynyn málimdedi, dep habarlaıdy "Adyrna" ulttyq portaly.
Bul – Aq úıge qaıta oralǵannan keıingi onyń alǵashqy sheteldik sapary.
«Biz Melanııa ekeýmiz Papa Franısktiń jerleýine qatysý úshin Rımge baramyz. Sol jerde bolýdy asyǵa kútemiz», – dedi Tramp.
Rımniń alǵashqy halyqaralyq baǵyt retinde tańdalýy baqylaýshylardy tańǵaldyrdy. Ádette, amerıkalyq prezıdentter aldymen Londonǵa barady. Alaıda naýryz aıynda Tramp bul dástúrden tek tıimdi ınvestıııalyq kelisimder bolǵan jaǵdaıda ǵana bas tartatynyn aıtqan edi.
Keıbir ınternet qoldanýshylary bul sapar Italııa premer-mınıstri Djordjııa Melonımen qarym-qatynasty nyǵaıtýǵa yqpal etýi múmkin ekenin boljady. Jaqynda Melonı – Tramp Aq úıde qabyldaǵan alǵashqy eýropalyq memleket basshysy bolǵan.
Sondaı-aq, Aqúıdiń baspasóz hatshysy Kerolaın Lıvıtt Donald Tramptyń 13-16 mamyr aralyǵynda Saýd Arabııasyna, Qatarǵa jáne Birikken Arab Ámirlikterine (BAÁ) baratynyn aıtty.
Lıvıtt Tramptyń úsh elge sapar shegetinin aıtqanymen, sapardyń egjeı-tegjeıine toqtalmady.
