«سالەمەتسىز بە» ەمەس، «ارمىسىز»

قازاقستاندىق كاسىپكەر، فيلانتروپ، BI-Group حولدينگىنىڭ اكتسيونەرى جانە ديرەكتورلار كەڭەسىنىڭ توراعاسى، سونداي-اق YPO Kazakhstan پرەزيدەنتى ايدىن راقىمباەۆ facebook جەلىسىندەگى پاراقشاسىندا قازاقتار «سالەمەتسىز بە» دەپ امانداسپاعان، دەپ جازدى. "ارمىسىزدار، دوستارىم! تاريحشىلارمەن اڭگىمەلەسكەندە ءبارى دە ءبىزدىڭ بابالارىمىز جۇزدەگەن جىل بۇرىن «ارمىسىز؟» ، «امان-ەسەنسىز بە؟» دەپ امانداسقانىن ايتادى. بابالارىمىز قانداي دانا سوزدەر مەن تەرەڭ ماعىنانى قولدانعان", - دەدى كاسىپكەر. ايتۋىنشا، «سالەم» مەن «سالەمەتسىز بە» دەگەن قازاققا ەجەلگى جەبىرەيلەردىڭ «شالوم الەيحيم» جانە ارابتىڭ «اسسالاۋماعالەيكۋم» دەگەنىنەن كەلگەن. ء"بىز بۇلاي امانداسۋعا ۇيرەنىپ قالدىق جانە ول دا دۇرىس. بىراق، وعان قوسا ەجەلگى تۇرىكشە امانداسۋ دا ادەمى ەستىلەدى عوي. وسى ورايدا، مەندە ۇسىنىس بار: وتباسىندا، جۇمىستا، كوشەدە ءبىر-بىرىمىزبەن تازا قازاقشا «ارمىسىز؟» دەپ امانداسايىق", - دەيدى ايدىن راقىمباەۆ.