«Sälemetsız be» emes, «Armysyz»

Qazaqstandyq käsıpker, filantrop, BI-Group holdingınıŋ aksionerı jäne direktorlar keŋesınıŋ töraǧasy, sondai-aq YPO Kazakhstan prezidentı Aidyn Raqymbaev facebook jelısındegı paraqşasynda qazaqtar «sälemetsız be» dep amandaspaǧan, dep jazdy. "Armysyzdar, dostarym! Tarihşylarmen äŋgımeleskende bärı de bızdıŋ babalarymyz jüzdegen jyl būryn «Armysyz?» , «Aman-esensız be?» dep amandasqanyn aitady. Babalarymyz qandai dana sözder men tereŋ maǧynany qoldanǧan", - dedı käsıpker. Aituynşa, «sälem» men «sälemetsız be» degen qazaqqa ejelgı jebıreilerdıŋ «şalom aleihim» jäne arabtyŋ «assalaumaǧaleikum» degenınen kelgen. "Bız būlai amandasuǧa üirenıp qaldyq jäne ol da dūrys. Bıraq, oǧan qosa ejelgı türıkşe amandasu da ädemı estıledı ǧoi. Osy oraida, mende ūsynys bar: Otbasynda, jūmysta, köşede bır-bırımızben taza qazaqşa «Armysyz?» dep amandasaiyq", - deidı Aidyn Raqymbaev.