كرەملدىڭ جاڭا يادرولىق كومپونەنتتەرى بار عارىشتىق قارۋ ءتۇرىن جاساۋ باعدارلاماسىمەن بايلانىستىرىلاتىن رەسەيدىڭ قۇپيا «كوسموس-2553» سپۋتنيگى ىستەن شىعۋى مۇمكىن، دەپ حابارلايدى "ادىرنا" ۇلتتىق پورتالى.
بۇل تۋرالى Reuters اگەنتتىگى اناليتيكالىق دەرەكتەرگە سىلتەمە جاساپ جازدى.
رەسەي «كوسموس-2553» سپۋتنيگىن 2022 جىلعى اقپانداعى ۋكرايناداعى سوعىس باستالاردان از ۋاقىت بۇرىن وربيتاعا شىعارعان بولاتىن. اقش بيلىگى بۇل سپۋتنيكتىڭ رەسەيدىڭ عارىشقا امەريكالىق سپۋتنيكتەردى جويۋعا قابىلەتتى يادرولىق قارۋ ورنالاستىرۋ جوسپارلارىمەن بايلانىستى ەكەنىن مالىمدەگەن. كرەمل بۇل ايىپتاۋلاردى جوققا شىعارىپ وتىر.
«كوسموس-2553» سپۋتنيگىنىڭ ەرەكشە قيمىلدارى 2024 جىلدىڭ قاراشا ايىندا LeoLabs كومپانياسىنىڭ راديولوكاتسيالىق باقىلاۋى ارقىلى تىركەلگەن.
جەلتوقسان ايىندا جۇرگىزىلگەن قوسىمشا باقىلاۋلار سپۋتنيكتىڭ «باقىلاۋسىز اينالىپ جۇرگەنىن» جوعارى سەنىمدىلىكپەن راستاۋعا مۇمكىندىك بەردى.
