كاناداداعى ۆانكۋۆەر قالاسىندا وتكەن كوشە فەستيۆالىندە جول تالعامايتىن كولىك ادامدار توبىنا سوعىلدى. وقيعا سالدارىنان بىرنەشە ادام قازا تاپتى، دەپ حابارلايدى "ادىرنا" ۇلتتىق پورتالى.
CBC News مالىمەتىنشە، وقيعا 26 ءساۋىر كۇنى كەشكە فرەيزەر-ستريت پەن شىعىس 41-اۆەنيۋ قيىلىسىندا بولعان. بۇل جەردە لاپۋ-لاپۋ كۇنىنە ارنالعان كەش ءوتىپ جاتقان.
"سەنبى كەشىندە كوشە فەستيۆالىندە كولىك ادامدار توبىنا سوعىلعاننان كەيىن بىرنەشە ادام قازا تاپتى، تاعى بىرنەشەۋى جاراقات الدى. كولىك جۇرگىزۋشىسى ۇستالدى", – دەپ حابارلادى CBC News پوليتسيانىڭ مالىمەتىنە سىلتەمە جاساپ.
قۇقىق قورعاۋ ورگاندارى تەرگەۋ ءجۇرىپ جاتقاندىقتان، قوسىمشا اقپاراتتىڭ كەيىنىرەك بەرىلەتىنىن اتاپ ءوتتى.
كۋاگەرلەردىڭ ايتۋىنشا، جۇرگىزۋشىنىڭ جاسى شامامەن 20-دا بولعان جانە ول ءوزىن وعاش ۇستاعان. پسيحيكالىق اۋىتقۋى بار ادامعا ۇقساپ كورىنگەن.
