قازاقستاندىق وقۋشى ازيا-تىنىق مۇحيتى ايماعىنىڭ ەڭ مىقتى لينگۆيسى اتاندى

ماڭعىستاۋ وبلىسىنداعى IT-ليتسەيدىڭ 10 سىنىپ وقۋشىسى رامازان بۇتانتاەۆ ازيا-تىنىق مۇحيتى ايماعىنىڭ ەڭ مىقتى لينگۆيسى اتاندى. بۇل تۋرالى بۇگىن، 5 مامىردا وقۋ-اعارتۋ مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى. APLO-2025 وليمپياداسىنا قىتاي، اۆستراليا، گونكونگ، جاپونيا، مالايزيا، يران، كورەيا، سينگاپۋر، تايلاند سىندى ەلدەردەن 500-گە جۋىق وقۋشى قاتىستى. «جالپى قازاقستان قۇراماسى لينگۆيستيكالىق وليمپيادا تاريحىنداعى ەڭ ۇزدىك ناتيجەنى كورسەتتى. اتاپ ايتساق، وتانداستارىمىز 5 مەدال جانە 3 قۇرمەت گراموتاسىن جەڭىپ الدى. ءبىرىنشى ورىن – رامازان بۋتانتاەۆ — 10 سىنىپ، مامانداندىرىلعان IT-ليتسەي، ماڭعىستاۋ وبلىسى; ەكىنشى ورىن – سامير سارباسوۆ — 12 سىنىپ، نزم، استانا قالاسى; ءۇشىنشى ورىن – تيمۋر كانتاەۆ — 11 سىنىپ، «ارىستان» مامانداندىرىلعان مەكتەبى، الماتى قالاسى; ءۇشىنشى ورىن – زەرە سەرىكوۆا — 11 سىنىپ، №9 «زەردە» مەكتەبى، استانا قالاسى; ءۇشىنشى ورىن – تەمىرلان سەيتباتتال — 11 سىنىپ، بيل، اقمولا وبلىسى. قۇرمەت گراموتاسىمەن ماراپاتتالعاندار: يسلام سيپاتتالوۆ — 10 سىنىپ، بيل، اقتوبە قالاسى; شىڭعىس قاراساەۆ — 11 سىنىپ، نزم، ورال قالاسى; ارون حاسانوۆ — 11 سىنىپ، بيل، اتىراۋ قالاسى»،—دەلىنگەن حابارلامادا. ايتا كەتەيىك، Asia Pacific Linguistics Olympiad (APLO) — جوعارى سىنىپ وقۋشىلارىنا ارنالعان حالىقارالىق لينگۆيستيكالىق وليمپيادا. بۇل وليمپيادا لوگيكالىق ويلاۋ، تىلدىك تۇيسىگى مەن مادەنيەتارالىق قۇزىرەتتى دامىتۋعا باعىتتالعان جانە حالىقارالىق لينگۆيستيكالىق وليمپياداعا (IOL) قاتىسۋعا جول اشادى. APLO — وقۋشىلارعا حالىقارالىق دەڭگەيدە وزدەرىن سىناپ كورۋگە جانە اكادەميالىق ورتادا تانىلا تۇسۋگە ۇلكەن مۇمكىندىك بەرەدى.