ەلدەگى اريتمولوگيالىق قىزمەتتى دامىتۋ ماقساتىندا ۇلتتىق شۇعىل مەديتسينانى ۇيلەستىرۋ ورتالىعىنىڭ قۇرىلىمىندا جۇرەك ىرعاعى ورتالىعى ءوز جۇمىسىن باستادى.
جۇرەك ىرعاعى ورتالىعىنىڭ اشىلۋى – حالىقتى دياگنوستيكا مەن ەمدەۋدىڭ زاماناۋي ادىستەرىنە قولجەتىمدىلىكپەن قامتاماسىز ەتەتىن، كادرلار دايارلاۋدى جانە تەلەمەديتسينالىق ينفراقۇرىلىمدى دامىتۋدى كوزدەيتىن اريتمولوگيا قىزمەتىنىڭ دامۋىنا جاسالعان ماڭىزدى قادام.
جۇرەك ىرعاعى ورتالىعى زاماناۋي مەديتسينالىق جابدىقتارمەن تولىق جاراقتالعان جانە جوعارى تەحنولوگيالى اريتمولوگيالىق ارالاسۋلار جۇرگىزۋگە باعىتتالعان.
مۇندا كۇردەلى اريتميالار كەزىندە 3D-ناۆيگاتسيالىق كارتوگرافيا جانە راديوجيىلىك ابلياتسيا، سىمسىز كارديوستيمۋلياتورلاردى يمپلانتاتتاۋ، يمپۋلستىك ءورىس (ەلەكتروپوراتسيا) ارقىلى ابلياتسيا، كدي، CRTD جانە باسقا قۇرىلعىلاردى ورناتۋ، سونداي-اق ەندوكارديالدى قۇرىلعىلاردى الىپ تاستاۋ سەكىلدى الدىڭعى قاتارلى ەمشارالار جۇرگىزىلەدى.
كلينيكاعا ساپارى بارىسىندا دەنساۋلىق ساقتاۋ ءمينيسترى اقمارال ءالنازاروۆا شالعاي وڭىرلەردەگى پاتسيەنتتەر ءۇشىن جوعارى دەڭگەيدەگى مەديتسينالىق كومەككە قولجەتىمدىلىكتى كەڭەيتۋدەگى جۇرەك ىرعاعى ورتالىعىنىڭ ماڭىزدىلىعىن اتاپ ءوتتى. مۇندا تەلەمەديتسينا مەن قاشىقتان باقىلاۋ تەحنولوگيالارى ەنگىزىلۋدە، بۇل يمپلانتاتسيالانعان قۇرىلعىلارى بار پاتسيەنتتەردى قاشىقتان باقىلاۋعا، كۇردەلى جاعدايلاردى ونلاين-كونسۋلتاتسيالاۋعا، اريتمياسى بار پاتسيەنتتەردى ساپالى ءارى ۇزدىكسىز باقىلاۋعا مۇمكىندىك بەرەدى.
ورتالىقتىڭ جەتەكشىسى ايان ءابدىراحمانوۆ ورتالىقتىڭ قىزمەتى مەن جابدىقتالۋى تۋرالى جان-جاقتى تانىستىردى.
ساپار اياسىندا مينيستر مەن جۇرەك ىرعاعى عىلىمي-زەرتتەۋ ينستيتۋتى كافەدراسى ستۋدەنتتەرىنىڭ اراسىندا بەيرەسمي اڭگىمە ءوتتى.
ۇلتتىق شۇعىل مەديتسينانى ۇيلەستىرۋ ورتالىعى – بۇكىل ەل بويىنشا جەدەل جاردەم قىزمەتىن ۇيلەستىرەتىن، مەديتسينالىق اۆياتسيا تۇرىندە كەزەك كۇتتىرمەيتىن جانە شۇعىل مەديتسينالىق كومەك كورسەتەتىن، كوپبەيىندى بىرەگەي اۋرۋحاناسى بار ءتيىمدى كلاستەر بولىپ تابىلاتىنىن ايتا كەتكەن ءجون.
ءۇشمۇو اۋرۋحاناسى 2024 جىلدىڭ ماۋسىم ايىندا اشىلعان، 250 توسەكتىك ورىنمەن قامتىلعان، زاماناۋي كلينيكالىق بازامەن جابدىقتالعان جانە 29 بەيىن بويىنشا 9 كلينيكالىق ورتالىقتى قامتيدى. اۋرۋحانانىڭ بىرەگەي ەرەكشەلىگى – جەكە تىكۇشاق الاڭى مەن انگارىنىڭ بولۋى.
