Eldegı aritmologiialyq qyzmettı damytu maqsatynda Ūlttyq şūǧyl medisinany üilestıru ortalyǧynyŋ qūrylymynda Jürek yrǧaǧy ortalyǧy öz jūmysyn bastady.
Jürek yrǧaǧy ortalyǧynyŋ aşyluy – halyqty diagnostika men emdeudıŋ zamanaui ädısterıne qoljetımdılıkpen qamtamasyz etetın, kadrlar daiarlaudy jäne telemedisinalyq infraqūrylymdy damytudy közdeitın aritmologiia qyzmetınıŋ damuyna jasalǧan maŋyzdy qadam.
Jürek yrǧaǧy ortalyǧy zamanaui medisinalyq jabdyqtarmen tolyq jaraqtalǧan jäne joǧary tehnologiialy aritmologiialyq aralasular jürgızuge baǧyttalǧan.
Mūnda kürdelı aritmiialar kezınde 3D-navigasiialyq kartografiia jäne radiojiılık abliasiia, symsyz kardiostimuliatorlardy implantattau, impulstık örıs (elektroporasiia) arqyly abliasiia, KDİ, CRTD jäne basqa qūrylǧylardy ornatu, sondai-aq endokardialdy qūrylǧylardy alyp tastau sekıldı aldyŋǧy qatarly emşaralar jürgızıledı.
Klinikaǧa sapary barysynda Densaulyq saqtau ministrı Aqmaral Älnazarova şalǧai öŋırlerdegı pasientter üşın joǧary deŋgeidegı medisinalyq kömekke qoljetımdılıktı keŋeitudegı Jürek yrǧaǧy ortalyǧynyŋ maŋyzdylyǧyn atap öttı. Mūnda telemedisina men qaşyqtan baqylau tehnologiialary engızılude, būl implantasiialanǧan qūrylǧylary bar pasientterdı qaşyqtan baqylauǧa, kürdelı jaǧdailardy onlain-konsultasiialauǧa, aritmiiasy bar pasientterdı sapaly ärı üzdıksız baqylauǧa mümkındık beredı.
Ortalyqtyŋ jetekşısı Aian Äbdırahmanov ortalyqtyŋ qyzmetı men jabdyqtaluy turaly jan-jaqty tanystyrdy.
Sapar aiasynda ministr men Jürek yrǧaǧy ǧylymi-zertteu instituty kafedrasy studentterınıŋ arasynda beiresmi äŋgıme öttı.
Ūlttyq şūǧyl medisinany üilestıru ortalyǧy – bükıl el boiynşa jedel järdem qyzmetın üilestıretın, medisinalyq aviasiia türınde kezek küttırmeitın jäne şūǧyl medisinalyq kömek körsetetın, köpbeiındı bıregei auruhanasy bar tiımdı klaster bolyp tabylatynyn aita ketken jön.
ŪŞMÜO auruhanasy 2024 jyldyŋ mausym aiynda aşylǧan, 250 tösektık orynmen qamtylǧan, zamanaui klinikalyq bazamen jabdyqtalǧan jäne 29 beiın boiynşa 9 klinikalyq ortalyqty qamtidy. Auruhananyŋ bıregei erekşelıgı – jeke tıkūşaq alaŋy men angarynyŋ boluy.
