قىزىلوردا وبلىستىق كوپبەيىندى اۋرۋحاناسىندا سول جاق كەۋدە تۇسىنان جانسىز زاتتى الۋ بويىنشا توراكوسكوپيا وتاسى جاسالدى. 47 جاستاعى قىزىلوردالىقتىڭ كەۋدەسىنەن 10 سانتيمەتر سىم الىندى. بۇل تۋرالى اۋرۋحانانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، 47 جاستاعى قىزىلوردا تۇرعىنى وبلىستىق دەنساۋلىق ساقتاۋ باسقارماسى ۇيىمداستىرعان اشىق ەسىك كۇنىندە دارىگەر كەڭەسىنە جۇگىنگەن. ناۋقاس سول جاق كەۋدە تۇسى اۋىراتىنىن ايتىپ شاعىمدانعان.
“ماماندار زەرتتەي كەلە ونىڭ دەنەسىندە ۇزىندىعى 10 سانتيمەترگە جەتەتىن سىم بارىن انىقتادى. ناۋقاسقا بۇعان دەيىن باسقا اۋرۋحانادا وتا جاسالىپ، وڭ جاق بۇعانا سۇيەگىنىڭ سىنىعىنا بايلانىستى مەتالل كونسترۋكتسيا ورناتىلعان. سول كەيىن جىلجىپ كەتىپ، جانىنا باتىپ ءجۇرىپتى. كەزەكتى وتا كەزىندە ماماندار جانسىز زاتتى الىپ تاستادى. وتا ءساتتى ءوتتى. ناۋقاستىڭ جاعدايى جاقسى. تولىق ەم قابىلداعاسىن ۇيىنە شىعارىلادى. بەلگىلى ءبىر ۋاقىتقا دەيىن ەمحانا باقىلاۋىندا بولادى”، — دەدى اۋرۋحانانىڭ ءباسپاسوز قىزمەتىنىڭ مامانى گۇلبانۋ ماقاجان.
وتانى اۋرۋحانانىڭ حيرۋرگيا-2 ءبولىمىنىڭ مەڭگەرۋشىسى بەكەت مانتاەۆ اسسيستەنتى راۋان جالىمبەتوۆپەن بىرگە جاسادى. سونداي-اق وعان انەستەزيولوگ عابيت دۇيسەن قاتىستى.
