بۇگىن، 7 مامىر - وتان قورعاۋشىلار كۇنى.
اتاۋلى كۇن 2012 جىلدان باستاپ مەملەكەتتىك مەرەكەلەر ساناتىنا قوسىلعان.
1991 جىلدىڭ 25 قازانىندا قازاقستان پرەزيدەنتىنىڭ جارلىعىمەن قازاق سسر مەملەكەتتىك قورعانىس كوميتەتى قۇرىلدى. بۇل قۇرىلىم كەيىن قازاقستان رەسپۋبليكاسىنىڭ قورعانىس مينيسترلىگى بولىپ قايتا ۇيىمداستىرىلدى.
1992 جىلدىڭ 7 مامىرىندا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ ارنايى جارلىققا قول قويدى. اتالعان جارلىققا سايكەس، رەسپۋبليكا اۋماعىنداعى بۇرىنعى كسرو قارۋلى كۇشتەرىنىڭ قۇرامىنداعى بارلىق اسكەري بولىمدەر، مەكەمەلەر مەن قۇرامالار قازاقستان رەسپۋبليكاسىنىڭ قۇزىرەتىنە ءوتتى. سونىمەن قاتار، پرەزيدەنت جوعارعى باس قولباسشى رەتىندە ەلدىڭ قارۋلى كۇشتەرىن باسقارۋدى ءوز قولىنا الدى.
قورعانىس سالاسىمەن تىكەلەي اينالىساتىن العاشقى قورعانىس ءمينيسترى بولىپ گەنەرال-پولكوۆنيك ساعادات نۇرماعامبەتوۆ تاعايىندالدى. ول — تاۋەلسىز قازاقستاننىڭ العاشقى قورعانىس ءمينيسترى رەتىندە ۇلتتىق ارميانىڭ قالىپتاسۋىنا زور ۇلەس قوستى.
قازاقستان رەسپۋبليكاسىنىڭ قارۋلى كۇشتەرىنە جالپى ماقساتتاعى كۇشتەر، اۋە-قورعانىس كۇشتەرى، مەملەكەتتىك شەكارانى قورعاۋ كۇشتەرى جانە دە ۇلتتىق گۆارديا مەن ىشكى اسكەرلەر كىرەدى.
