جامبىل وبلىسىنىڭ اكىمى ۇوس جانە ەڭبەك ارداگەرلەرىن مەرەكەمەن قۇتتىقتادى

جامبىل وبلىسىنىڭ اكىمى ەربول قاراشوكەەۆ جەڭىس مەرەكەسىنە وراي داڭق زالىندا سوعىس ارداگەرلەرىن قۇتتىقتادى. ايماق باسشىسى قارت مايدانگەرلەرگە قۇرمەت كورسەتىپ، مەملەكەت باسشىسىنىڭ ارنايى قۇتتىقتاۋ حاتىن وقىپ بەردى. يۆان ماكەەۆ 1927 جىلى دۇنيەگە كەلگەن. مەكتەپتى بىتىرگەننەن كەيىن زابايكالە مايدانىندا ەرەكشە ماقساتتاعى راديوديۆيزيوننىڭ بارلاۋشىسى قىزمەتىن اتقاردى. حاربين، مۋكدەن، چان-چيۋن قالالارىن ازات ەتۋ شايقاستارىنا قاتىستى. ىشكى ىستەر سالاسىندا جاۋاپتى قىزمەتتەردى ابىرويمەن اتقارعان. وتان سوعىسى وردەنىمەن، بىرقاتار مەرەكەلىك مەدالدارىمەن ماراپاتتالعان. گريگوري نەششەرەتنەۆ 1921 جىلى 22 قاراشادا لۋگوۆوي اۋدانىنىڭ كامەنكا اۋلىندا دۇنيەگە كەلگەن. 1941 جىلى اسكەرگە الىنىپ، مايداندا اعا سەرجانت، بولىمشە كومانديرى، باتەرەيا ستارشيناسى بولىپ شايقاسقان. لەنينگراد قورشاۋىن بۇزۋعا، نوۆوگورود قالاسىن ازات ەتۋگە قاتىسىپ، پسكوۆقا دەيىن جەتكەن. ۆولحوۆ مايدانىندا 501-ءشى مينومەت پولكى قۇرامىندا شايقاسقان. ۇرىستا اۋىر جارالانىپ، ەمدەلگەنەن كەيىن اسكەر قاتارىنان بوساتىلعان. سوعىستان كەيىن 2-ءشى توپتاعى مۇگەدەك ەكەنىنە قاراماستان، كولىك جۇرگىزۋشىسى بولىپ ەڭبەك ەتكەن. ەڭبەك ارداگەرى. جاۋىنگەرلىك جانە بەيبىت كەزەڭدە العان ماراپاتتارى بار. شالدانباي شانباەۆ 1924 جىلى 10 اقپاندا لۋگوۆوي (قازىرگى ت.رىسقۇلوۆ) اۋدانىنىڭ جاڭاتۇرمىس اۋلىندا دۇنيەگە كەلگەن. مەركى اۋداندىق اسكەري كوميسارياتىنان 1942 جىلى 15 تامىزدا اسكەرگە الىنعان. سوعىستىڭ سوڭىنا دەيىن ىشكى ىستەر اسكەرلەرىنىڭ 227 پولكى قۇرامىندا مايداندا بولىپ، سوعىس بىتكەن سوڭ دا اسكەر قاتارىندا قالدىرىلعان. ەلگە 1949 جىلى ورالعان. تراكتور بريگاداسىنىڭ بريگاديرى، ساناقشى بولىپ ىستەدى.1959 جىلدان 1984 جىلى زەينەتكەرلىككە شىققانعا دەيىن «جاڭاتۇرمىس» كولحوزىندا ەسەپشى، باس ەسەپشىنىڭ كومەكشىسى بولعان. II دارەجەلى وتان سوعىسى وردەنىمەن، «مارشال جۋكوۆ»، جانە مەرەكەلىك مەدالدەرمەن ماراپاتتالعان. سونداي اق، بۇل كۇنى وبلىس اكىمى ۇوس ارداگەرلەرى ءمۇتالىپ ەرەجەپباەۆتىڭ جانە گەننادي يۆانوۆتىڭ شاڭىراعىنا بارىپ، مەرەكەلىك كوڭىل-كۇي سىيلادى.