Jambyl oblysynyŋ äkımı ŪOS jäne eŋbek ardagerlerın merekemen qūttyqtady

Jambyl oblysynyŋ äkımı Erbol Qaraşökeev Jeŋıs merekesıne orai Daŋq zalynda soǧys ardagerlerın qūttyqtady. Aimaq basşysy qart maidangerlerge qūrmet körsetıp, Memleket basşysynyŋ arnaiy Qūttyqtau hatyn oqyp berdı. İvan Makeev 1927 jyly düniege kelgen. Mekteptı bıtırgennen keiın Zabaikale maidanynda erekşe maqsattaǧy radiodivizionnyŋ barlauşysy qyzmetın atqardy. Harbin, Mukden, Chan-Chiun qalalaryn azat etu şaiqastaryna qatysty. Işkı ıster salasynda jauapty qyzmetterdı abyroimen atqarǧan. Otan soǧysy ordenımen, bırqatar merekelık medaldarımen marapattalǧan. Grigorii Neşeretnev 1921 jyly 22 qaraşada Lugovoi audanynyŋ Kamenka aulynda düniege kelgen. 1941 jyly äskerge alynyp, maidanda aǧa serjant, bölımşe komandirı, batereia starşinasy bolyp şaiqasqan. Leningrad qorşauyn būzuǧa, Novogorod qalasyn azat etuge qatysyp, Pskovqa deiın jetken. Volhov maidanynda 501-şı minomet polkı qūramynda şaiqasqan. Ūrysta auyr jaralanyp, emdelgenen keiın äsker qatarynan bosatylǧan. Soǧystan keiın 2-şı toptaǧy mügedek ekenıne qaramastan, kölık jürgızuşısı bolyp eŋbek etken. Eŋbek ardagerı. Jauyngerlık jäne beibıt kezeŋde alǧan marapattary bar. Şaldanbai Şanbaev 1924 jyly 10 aqpanda Lugovoi (qazırgı T.Rysqūlov) audanynyŋ Jaŋatūrmys aulynda düniege kelgen. Merkı audandyq äskeri komisariatynan 1942 jyly 15 tamyzda äskerge alynǧan. Soǧystyŋ soŋyna deiın ışkı ıster äskerlerınıŋ 227 polkı qūramynda maidanda bolyp, soǧys bıtken soŋ da äsker qatarynda qaldyrylǧan. Elge 1949 jyly oralǧan. Traktor brigadasynyŋ brigadirı, sanaqşy bolyp ıstedı.1959 jyldan 1984 jyly zeinetkerlıkke şyqqanǧa deiın «Jaŋatūrmys» kolhozynda esepşı, bas esepşınıŋ kömekşısı bolǧan. II därejelı Otan soǧysy ordenımen, «Marşal Jukov», jäne merekelık medaldermen marapattalǧan. Sondai aq, būl künı oblys äkımı ŪOS ardagerlerı Mütälıp Erejepbaevtyŋ jäne Gennadii İvanovtyŋ şaŋyraǧyna baryp, merekelık köŋıl-küi syilady.