الماتىدا ۇلى جەڭىستىڭ 80 جىلدىعىنا وراي راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ اسكەري قىزمەتشىلەرى ساياباقتا پاتريوتتىق شارا ۇيىمداستىرىپ، قوناقتارعا ناعىز سارباز بوتقاسىن تاراتتى، دەپ حابارلايدى “ادىرنا” ۇلتتىق پورتالى.
بۇل - مايدانداعى باۋىرلاستىق پەن ەرلىكتىڭ سيمۆولى. ىستىق تاعام 80 جىل بۇرىن مايدانداعى سياقتى دالالىق اس ۇيدەن تىكەلەي تاراتىلدى. بوتقانىڭ ءدامىن تاتىپ كورگەندەردىڭ ءبارى ءبىر ساتكە سوعىس جىلدارىن، مايدان ءومىرىنىڭ رۋحىن سەزىنە الدى.
“بۇل سارباز بوتقاسى – باتىرلارىمىزدىڭ ەرلىگى مەن توزىمدىلىگىنە ىقپال ەتكەن ءدام. ءبىز مۇنداي اكتسيانى جىل سايىن جەڭىسكە جەتكەندەرگە قۇرمەت رەتىندە وتكىزەمىز. ءبىزدىڭ ماقساتىمىز – ۇلى جەڭىستىڭ ماڭىزىن جاستارعا جەتكىزۋ، مايدانگەرلەردى ەستە ساقتاۋ جانە تاريحقا دەگەن قۇرمەتتى نىعايتۋ”، – دەدى ينستيتۋت باستىعىنىڭ تىل جونىندەگى ورىنباسارى پودپولكوۆنيك ەرجان جامباەۆ.
شارا ءار ءتۇرلى جاستاعى ەڭبەك ارداگەرلەرىنەن باستاپ بالالارى بار جاس وتباسىلارىنا دەيىنگى جۇزدەگەن ازاماتتىڭ باسىن قوستى. كوبى ەستەلىك فوتوسۋرەتكە ءتۇسىرىپ، بوستاندىق ءۇشىن كۇرەسكەن اتا-بابالارى تۋرالى اڭگىمەلەرىن ايتتى.
