ماسكەۋدىڭ باسمان اۋداندىق سوتى ۋكراينانىڭ قازاقستانداعى بۇرىنعى ەلشىسى پەتر ۆرۋبلەۆسكيگە قاتىستى ۇكىم شىعاردى، دەپ حابارلايدى «ادىرنا» ءتىلشىسى ريا نوۆوستيگە سىلتەمە جاساپ.
«وعان التى جىلعا باس بوستاندىعىنان ايىرۋ جازاسى تاعايىندالدى»، – دەدى قورعاۋشى دميتري كيرسانوۆ.
ەسكە سالايىق، 2022 جىلدىڭ تامىزىندا پيوتر ۆرۋبليوۆسكي «ورىستاردى كوبىرەك قىرۋىمىز قاجەت» دەگەن مالىمدەمە جاساعان ەدى. بۇل ءسوزدى قازاقستان حالقى اسسامبلەياسى دا ايىپتادى. ديپلوماتتى قازاقستاننىڭ سىرتقى ىستەر مينيسترلىگىنە شاقىرعان. ارتىنشا ونىڭ ارتىق كەتكەن ءسوزى ءۇشىن كەشىرىم سۇراعانى بەلگىلى بولدى. 2022 جىلدىڭ قازان ايىندا ۋكراينا پرەزيدەنتى ۆلاديمير زەلەنسكي ۆرۋبليوۆسكيدى قىزمەتىنەن بوساتتى.
2024 جىلدىڭ تامىزىندا رەسەيدە ديپلومات سىرتتاي التى جىلعا سوتتالدى. رەسەي سوتى وعان «جەككورۋشىلىك، ۇلتتى جانە ءتىلى بويىنشا جاۋلىق تۋعىزۋعا باعىتتالعان ارەكەت جاسادى» دەگەن ايىپ تاقتى. الايدا سول جىلدىڭ قاراشا ايىندا سوت ۇكىمدى جويدى.
