قر ءماجىلىس دەپۋتاتتارى وزدەرىنىڭ تەكتەرىن قازاقشالاپ، -وۆ، -ەۆ جالعاۋلارىنان باس تارتا باستادى، دەپ حابارلايدى "ادىرنا" ۇلتتىق پورتالى.
بۇل باستامانىڭ العاشقى لەكتىندە تانىمال اقىن، دەپۋتات رينات زايتوۆ ءوز تەگىن "زايت" دەپ وزگەرتىپ، قوعامنىڭ نازارىن اۋدارعان بولاتىن. ەندى بۇل باستامانى تاعى ءبىر دەپۋتات – ماقسات تولىقباەۆ جالعاستىرىپ، تەگى "تولىقباي" بولىپ وزگەرتىلدى.
اتالعان ءۇردىستى قوعام بەلسەندىسى، ساياساتتانۋشى، دەپۋتات سامات نۇرتازا ءوز پاراقشاسىندا قولداپ جازدى.
"وتكەن ايدا ارىپتەسىم رينات زايتوۆ فاميلياسىن وزگەرتىپ “زايت” بولىپ ەدى، ەندى بۇگىن ماقسات تولىقباەۆ ارىپتەسىم “تولىقباي” بولدى. قۇتتى بولسىن، زامانداستار! وتە جاقسى ءۇردىس!" - دەدى ول.ايتا كەتەيىك، قازاقستاندا تەگىن ۇلتتىق ۇلگىدە جازۋعا زاڭ جۇزىندە رۇقسات بەرىلگەن. بۇل ۇدەرىس ەرىكتى تۇردە جۇرگىزىلەدى.
