QR Mäjılıs deputattary özderınıŋ tekterın qazaqşalap, -ov, -ev jalǧaularynan bas tarta bastady, dep habarlaidy "Adyrna" ūlttyq portaly.
Būl bastamanyŋ alǧaşqy lektınde tanymal aqyn, deputat Rinat Zaitov öz tegın "Zait" dep özgertıp, qoǧamnyŋ nazaryn audarǧan bolatyn. Endı būl bastamany taǧy bır deputat – Maqsat Tolyqbaev jalǧastyryp, tegı "Tolyqbai" bolyp özgertıldı.
Atalǧan ürdıstı qoǧam belsendısı, saiasattanuşy, deputat Samat Nūrtaza öz paraqşasynda qoldap jazdy.
"Ötken aida ärıptesım Rinat Zaitov familiiasyn özgertıp “Zait” bolyp edı, endı bügın Maqsat Tolyqbaev ärıptesım “Tolyqbai” boldy. Qūtty bolsyn, Zamandastar! Öte jaqsy ürdıs!" - dedı ol.Aita keteiık, Qazaqstanda tegın ūlttyq ülgıde jazuǧa zaŋ jüzınde rūqsat berılgen. Būl üderıs erıktı türde jürgızıledı.
