اقش پرەزيدەنتى دونالد ترامپ يرانمەن يادرولىق كەلىسىمگە كەلۋ مۇمكىندىگى جاقىن قالعانىن مالىمدەدى. بۇل تۋرالى ول پارسى شىعاناعى ەلدەرىنە ساپارى بارىسىندا ايتتى، دەپ حابارلايدى "ادىرنا" ۇلتتىق پورتالى.
ء"بىز يرانمەن ۇزاق مەرزىمدى بەيبىتشىلىك تۋرالى بايسالدى كەلىسسوزدەر جۇرگىزىپ جاتىرمىز. كۇش قولدانباي، مامىلەگە كەلۋگە جاقىنبىز. الدا ەكى جول بار: ءبىرى بەيبىت كەلىسىم، ەكىنشىسى – زورلىق-زومبىلىق. بىراق مەن ەكىنشى جولدى قالامايمىن", – دەدى ترامپ.
Reuters اگەنتتىگىنىڭ حابارلاۋىنشا، كەلىسسوزدەرگە جاقىن دەرەككوزدەر تاراپتار اراسىندا بىرقاتار كەلىسپەۋشىلىكتەردىڭ ءالى دە بار ەكەنىن حابارلاعان. جەكسەنبى كۇنى وماندا وتكەن كەلىسسوزدەردىڭ سوڭعى كەزەڭى اياقتالدى. الداعى ۋاقىتتا تاعى دا كەزدەسۋلەر جوسپارلانىپ وتىر.
يران تاراپى ۋراندى بايىتۋدى جالعاستىرۋ قۇقىعىن ساقتاپ قالۋعا نيەتتى. تەگەران بۇل پروتسەستەن باس تارتپايتىنىن مالىمدەگەنىمەن، بايىتۋ دەڭگەيىن تومەندەتۋگە دايىن ەكەنىن ءبىلدىردى.
يران پرەزيدەنتى ماسۋد پەزەشكيان ترامپتىڭ مالىمدەمەسىنە جاۋاپ بەرىپ، ايماقتاعى تۇراقسىزدىق ءۇشىن اقش-تى ايىپتادى.
"ترامپ سانكتسيالارمەن قورقىتادى دا، ارتىنشا ادام قۇقىقتارىن ءسوز ەتەدى. ايماقتاعى بارلىق قىلمىستار مەن تۇراقسىزدىقتىڭ سەبەبى – اقش", – دەدى پرەزيدەنت ترامپ.
سونىمەن قاتار، يراننىڭ جوعارعى كوشباسشىسىنىڭ باس كەڭەسشىسى ءالي شامحاني يراننىڭ سانكتسيالار الىنعان جاعدايدا كەلىسىمگە كەلۋگە دايىن ەكەنىن اتاپ ءوتتى.
