15 مامىر كۇنى تۇركيانىڭ كونيا پروۆينتسياسىنداعى كۋلۋ اۋدانىندا جەر سىلكىنىسى تىركەلدى، دەپ حابارلايدى "ادىرنا" ۇلتتىق پورتالى.
بۇل تۋرالى تۇركيانىڭ توتەنشە جاعدايلار باسقارماسى (AFAD) حابارلادى.
سەيسميكالىق ءدۇمپۋ جەرگىلىكتى ۋاقىت بويىنشا ساعات 15:46-دا بولدى. جەراستى ءدىرىلىنىڭ كۇشى 5,2 باللدى قۇراپ، ونىڭ وشاعى 18,73 شاقىرىم تەرەڭدىكتە ورنالاسقان. جەر سىلكىنىسىنىڭ دۇمپۋلەرى ەل استاناسى انكارا مەن وعان جاقىن وڭىرلەردە
تۇركيانىڭ ىشكى ىستەر ءمينيسترى ءالي ەرلىكايانىڭ مالىمدەۋىنشە، قازىرگى ۋاقىتتا سەيسميكالىق بەلسەندىلىك توقتاعان. جاپا شەككەندەر مەن قيراعان نىساندار تۋرالى اقپارات جوق.
ايتا كەتەيىك، بۇعان دەيىن، 23 ساۋىردە ىستامبۇل ماڭىنداعى ءمارمار تەڭىزىنىڭ جاعالاۋىندا 6,2 باللدىق جەر سىلكىنىسى تىركەلىپ، 236 ادام زارداپ شەككەن بولاتىن. قۇربان بولعاندار جوق.
