بۇگىن ساعات 16:26 شاماسىندا الماتى تۇرعىندارىنىڭ تەلەفوندارىنا شۇعىل حابارلاما كەلىپ ءتۇستى، دەپ حابارلايدى “ادىرنا”.
وندا جەر سىلكىنىسى جايلى ايتىلعانىمەن، شىن مانىندە ەشقانداي ءدۇمپۋ بولعان جوق.
حابارلامادا بىلاي دەلىنگەن:
ۇلتتىق ەسكەرتۋ! نازار اۋدارىڭىز! جەر سىلكىنىسى! قاۋىپسىز جەرگە جاسىرىلىڭىزدار. تولقىندار باسىلعاننان كەيىن عيماراتتان شىعىپ، قاۋىپسىز قاشىقتىققا ەۆاكۋاتسيالاڭىزدار! ۋاكىلەتتى ورگانداردىڭ نۇسقاۋلارىن مۇقيات قاداعالاڭىزدار. قوسىمشا اقپارات الماتى قالاسىنىڭ تجد مەن اكىمدىكتىڭ سايتتارى مەن الەۋمەتتىك جەلىلەرىندە جاريالانادى، - دەلىنگەن حابارلامادا.
بۇل حابارلاما قالا تۇرعىندارىنىڭ اراسىندا دۇربەلەڭ تۋعىزدى.
ال تجم مالىمەتىنشە، جەر سىلكىنىسىنىڭ وشاعى الماتى قالاسىنان وڭتۇستىك-باتىسقا قاراي 9 شاقىرىم جەردە، قازاقستان اۋماعىندا ورنالاسقان.
زارداپ شەككەندەر مەن قيراۋلار تۋرالى مالىمەت تۇسكەن جوق.
