مايا بەكباەۆا وزىنە قارسى اقپاراتتىق شابۋىل جاسالعانىن مالىمدەدى، دەپ حابارلايدى "ادىرنا" ۇلتتىق پورتالى.
تەلەجۇرگىزۋشى جانە جۋرناليست مايا بەكباەۆا وزىنە قارسى ادەيى ۇيىمداستىرىلعان اقپاراتتىق شابۋىل باستالعانىن ايتىپ، جەكە يۋتۋب ارناسىندا بەينە جاريالادى.
ءجۋرناليستىڭ ايتۋىنشا، الەۋمەتتىك جەلىلەرگە ونىڭ الاش ازاماتتارى مەن ايەلدەرى تۋرالى سوزدەرى ادەيى كونتەكستەن جۇلىنىپ، ماعىناسى بۇرمالاناتىنداي ەتىپ وڭدەلگەن ۆيدەولار تاراتىلعان. بەكباەۆا بۇل ارەكەتتى «جالا جانە قاساقانا مانيپۋلياتسيا» دەپ باعالادى.
"مەنى قارالاپ، جۇمىسىم ءۇشىن، قازاق حالقىنىڭ تاريحىنداعى بۇرىن ايتىلماعان تاقىرىپتاردى كوتەرگەنىم ءۇشىن شابۋىلداپ جاتىر", — دەدى ول.
سونداي-اق، بەكباەۆا حالىقتى رەنجىتەتىن پىكىر ايتپاعانىن جانە جالعان اقپاراتتارعا سەنبەۋدى سۇرادى.
"بۇل — ابسۋرد. مەنىڭ ارتىمدا شىندىق جانە مەنى بىلەتىن، كورەتىن مىڭداعان ادام بار", — دەپ مالىمدەدى جۋرناليست.
بەكباەۆا بەينەگە قاتىستى پىكىر بىلدىرگەندەر مەن مانيپۋلياتسيالانعان ۆيدەو تاراتقاندار جاۋاپقا تارتىلاتىنىن ايتتى.
"جالپى، مەنىڭ YouTube ارنامدا ەكى جىل بۇرىن جاريالانعان بۇل شىعارىلىممەن ءتۇرلى مانيپۋلياتسيالار جاسالدى. ارانداتۋدىڭ الدىن الۋ ءۇشىن بۇل ماتەريالعا قولجەتىمدىلىكتى دەرەۋ جاپتىق.
بۇل بەينەجازبانى تولىق تالداۋعا، ءاربىر ءسوزىمىز ءۇشىن جاۋاپ بەرۋگە دايىنبىز. ال جالعان بەينەجازبانى تاراتقان جانە سانالى تۇردە مەنى قۋدالاۋعا قاتىسقان ادامدار مىندەتتى تۇردە جاۋاپقا تارتىلادى. اسىرەسە، مەنىڭ رەسمي اقپاراتتىق شابۋىل تۋرالى مالىمدەمەمنەن كەيىن جالعان بەينەلەردى تاراتۋدى جالعاستىرعاندار.
كورەرمەندەر مەن جازىلۋشىلارعا ايتارىم: ءبىز قانداي زاماندا ءومىر ءسۇرىپ جاتقانىمىزدى
تۇركىستاندا احمەت بايتۇرسىنۇلىنىڭ 150 جىلدىق مەرەيتويىنا ارنالعان حالىقارالىق تۇركىتانۋشىلار كونگرەسى ءوتتى
سماعۇل سادۋاقاسوۆ «سەميپالاتينسكي پودلوگ ي اكمولينسكي دەفەكت» دەپ اتالاتىن ساياسي ايىپتاۋلار حاقىندا
ءتۇسىنىپ، كەز كەلگەن اقپاراتتى قايتا تەكسەرۋىمىز قاجەت. ارقاشان وزىڭىزگە: «بۇل كىمگە ءتيىمدى؟» دەگەن سۇراق قويىڭىز.
مەنىڭ قىزمەتىم مەن ازاماتتىق ۇستانىمىممەن تانىس كەز كەلگەن ادام مەنى قازاق حالقىنا قۇرمەتسىزدىك تانىتتى دەپ ايىپتاۋ — تولىقتاي ابسۋرد ەكەنىن جاقسى تۇسىنەدى. سوعان قاراماستان، بۇل جالعان بەينەجازبا بىردەن تارالىپ كەتتى. الەۋمەتتىك جەلىلەردەگى كەيبىر جازبالار اشىق پىكىرلەر ارقىلى مەنى قۋدالاۋعا ارنالعان مىنبەرگە اينالدى", - دەدى جۋرناليست.
"نەلىكتەن قازاق ەليتاسى ورىس ۇلتىنان قىز الدى؟" بەينەسى 2023 جىلدىڭ 10 اقپانىندا جاريالانىپ، 112 مىڭعا جۋىق قارالىم جيناعان. بەينەنىڭ استىنداعى ماتىنىندە:
ء"اليحان بوكەيحان مەن ەلەنا سەۆاستيانوۆا، احمەت بايتۇرسىنوۆ پەن الەكساندرا جۋراۆليوۆا، جاھانشا دوسمۇحامەدوۆ پەن ولگا پۋشكاريوۆا، تۇرار رىسقۇلوۆ پەن نادەجدا رۋدنەۆا…
XIX عاسىردىڭ ورتاسى مەن XX عاسىردىڭ باسىندا قازاق ينتەلليگەنتسياسى وكىلدەرىنىڭ كوپشىلىگىنىڭ جۇبايلارى ورىس ۇلتىنان بولعان.
“تاريح تەربەلىسى” باعدارلاماسىنىڭ بۇل شىعارىلىمىندا ءبىز قازاق ەليتاسىنىڭ نەگە كوبىنەسە وزىنە ومىرلىك سەرىك رەتىندە ورىس ايەلدەرىن تاڭداعانىن زەرتتەيمىز.
ەگەر قازاقتار مەن قازاقستان تاريحىنداعى ماڭىزدى وقيعالار مەن تانىمال تۇلعالار تۋرالى كوبىرەك بىلگىڭىز كەلسە – ارناعا جازىلىڭىز!" - دەپ جازىلعان.
ايتا كەتەيىك، جۋرناليست، قوعام بەلسەندىسى مۇحتار تۇمەنباي تانىمال تەلەجۋرناليست مايا بەكباەۆاعا شۇيلىگىپ، "مەن نە كورىپ وتىرمىن ءوزى؟ بۇل نە سۇمدىق، مايا بەكباەۆا؟" دەپ جازعان ەدى.
ۇقساس جاڭالىقتار


