حاماس پالەستينالىق توبى گازاداعى سوعىستى توقتاتۋعا باعىتتالعان كەلىسسوزدەردىڭ جاڭا كەزەڭى باستالعانىن ايتتى، دەپ حابارلايدى "ادىرنا" ۇلتتىق پورتالى BBC-گە سىلتەمە جاساپ.
بۇعان دەيىن يزرايل اسكەريلەرى حاماس-تى تولىق جويۋ جانە قالعان تۇتقىنداردى بوساتۋ ماقساتىندا ءىرى اسكەري شابۋىل باستاعانىن مالىمدەگەن ەدى.
حاماس جەتەكشىسىنىڭ كەڭەسشىسى تاحەر ءال-نۋنۋ BBC-گە بەرگەن سۇحباتىندا كەلىسسوزدەردىڭ كاتار استاناسى دوحادا باستالعانىن، ەشبىر تاراپ الدىن الا شارت قويماعانىن، بارلىق ماسەلەلەر اشىق تالقىلانىپ جاتقانىن ايتتى.
ءيزرايلدىڭ قورعانىس ءمينيسترى يسراەل كاتس كەلىسسوزدەردىڭ قايتا باستالعانىن راستادى. ونىڭ ايتۋىنشا، تاراپتار كاتاردا تىكەلەي ەمەس كەلىسسوزدەرگە قايتا ورالدى. كاتس بۇل شەشىمدى «بۇعان دەيىنگى ىمىراسىز ۇستانىمنان باس تارتۋ» دەپ اتادى.
يزرايل ارمياسى حابارلاعانداي، «گيدەون اربالارى» وپەراتسياسى اياسىندا اسكەرگە گازانىڭ بارلىق ستراتەگيالىق ايماقتارىن باقىلاۋعا الۋ تاپسىرىلعان. حاماس باقىلاۋىنداعى ازاماتتىق قورعانىس قىزمەتى مەن دەنساۋلىق ساقتاۋ مينيسترلىگى بەيسەنبى كۇنىنەن باستاپ يزرايلدىك شابۋىلداردان گازادا شامامەن 250 ادامنىڭ قازا تاپقانىن حابارلادى.
يزرايل ەكى ايعا سوزىلعان ءبىتىم بۇزىلعاننان كەيىن، ناۋرىز ايىندا گازا سەكتورىن تولىقتاي قورشاۋعا العان. ال اقش پرەزيدەنتى دونالد ترامپ جۇما كۇنى گازادا «كوپتەگەن ادامنىڭ اشتىققا ۇشىراعانىن» مالىمدەدى.
