ءماجىلىس دەپۋتاتى ءادىل جۇبانوۆ «سامۇرىق-قازىنا» قورىن تاراتۋ تۋرالى ۇسىنىس جاسادى، دەپ حابارلايدى "ادىرنا" ۇلتتىق پورتالى.
ول ۇلتتىق حولدينگتىڭ اشىق ەمەستىگىن جانە اكتيۆتەردىڭ «ەشقاشان بيزنەسپەن اينالىسپاعان، بىراق بايىعان» ادامداردىڭ قولىندا شوعىرلانعانىن ايتىپ ايىپتادى.
ء"بىز بارلىق بايلىعىمىزدى ۇرلاۋعا ىڭعايلى بولسىن دەگەندەي ءبىر قولعا بەرىپ قويىپپىز. مەنىڭ ويىمشا، قوردى تاراتىپ، ونىڭ اكتيۆتەرىن باسەكەلەستىك بار ورتاعا بەرۋ كەرەك" - دەدى ءماجىلىس دەپۋتاتى.
ونىڭ سوزىنە جاۋاپ رەتىندە جوعارعى ەسەپ پالاتاسىنىڭ مۇشەسى نۇرلان نۇرجانوۆ قوردىڭ قىزمەتىنە اۋديت جۇرگىزىلىپ جاتقانىن جانە ول اعىمداعى جىلدىڭ شىلدە ايىندا اياقتالاتىنىن حابارلادى.
"بۇل ماسەلە ءبىزدى دە وتە قاتتى الاڭداتادى. ۋاقىتتى ەسكەرە وتىرىپ، «سامۇرىق-قازىنا» قىزمەتىنە اۋديت جۇرگىزۋدى باستادىق"- دەدى ول.
ۇلتتىق قوردىڭ تيىمدىلىگى مەن اشىقتىعى تۋرالى ماسەلەلەر بۇعان دەيىن دە ءارتۇرلى دەڭگەيلەردە كوتەرىلگەن، الايدا تاراتۋ تۋرالى ۇسىنىستار پارلامەنت تريبۋناسىنان العاش رەت ايتىلۋدا.
