اقمولا وبلىسىندا كوكتەمگى ەگىس ناۋقانى باستالدى: شامامەن 750 مىڭ گەكتار جەرگە تۇقىم سەبىلدى. بيىل اۋىل شارۋاشىلىعى داقىلدارى ەگىلەتىن القاپ كولەمى 52 مىڭ گەكتارعا ارتىپ، 5,5 ميلليون گەكتاردى قۇرايتىن بولادى. بۇل وڭىردەگى اگرارلىق سالانىڭ تۇراقتى دامۋىن كورسەتەدى.
مايلى داقىلدار القابى ايتارلىقتاي كەڭەيىپ، 430 مىڭ گەكتارعا جەتتى. قازىرگى ۋاقىتتا 750 مىڭ گەكتاردان استام القاپقا جازدىق ەگىس جۇرگىزىلدى. ەگىس ناۋقانىنا 37 مىڭ بىرلىك اۋىل شارۋاشىلىعى تەحنيكاسى جۇمىلدىرىلعان.
جارقايىڭ اۋدانىنىڭ ديقانشىلارى 663,5 مىڭ گەكتار جەرگە ەگىن ەگۋدى جوسپارلاپ وتىر، قازىرگى تاڭدا 123 مىڭ گەكتارعا تۇقىم سەبىلدى. بۇل اۋدان وبلىستاعى ەگىستىك كولەمى بويىنشا ەڭ ءىرى ءوڭىر سانالادى.
«2025 جىلعى كوكتەمگى ەگىس ناۋقانى قالىپتى رەجيمدە وتۋدە. بارلىق دايىندىق جۇمىستارى ۋاقىتىندا اياقتالدى، قازىر اۋدان اگراريلەرى ەگىس جۇمىستارىن ءساتتى جۇرگىزىپ جاتىر. ۇيلەسىمدى جۇمىس پەن تەحنيكالىق قامتىلۋ ارقىلى بارلىق ماقساتتارعا قول جەتكىزىپ، مول ءونىم الامىز دەپ سەنەمىز»، – دەپ اتاپ ءوتتى جارقايىڭ اۋدانى اكىمىنىڭ ورىنباسارى دۋلات سىزدىقوۆ.
