بۇرىنعى جۇبايى كارينا ماماشتى ۇرىپ-سوققان ەكس-ديپلومات ساكەن ماماشتىڭ ءىسى استانانىڭ اۋدانارالىق قىلمىستىق سوتىنا ءتۇستى، دەپ حابارلايدى «ادىرنا» ءتىلشىسى.
سوتتىڭ ءباسپاسوز قىزمەتىنىڭ مالىمەتىنشە، الدىن الا سوت تىڭداۋى 29 مامىردا وتەدى.
«اتالعان ءىس استانا قالاسىنىڭ اۋدانارالىق قىلمىستىق سوتىنا ءتۇستى. سوت وتىرىسى 29 مامىر كۇنى ساعات 10:00-دە وتەدى»،—دەلىنگەن حابارلامادا.
ال ساكەن ماماشتى سوتقا دەيىنگى تۇتقىنداۋ ۋاقىتى 7 ماۋسىمعا دەيىن ۇزارتىلدى.
ايتا كەتەيىك، سوتقا دەيىنگى تەرگەۋدى استانانىڭ ەسىل اۋدانى پوليتسيا باسقارماسى قىلمىستىق كودەكستىڭ 110-بابى (قيناۋ) بويىنشا جۇرگىزگەن بولاتىن.
2024 جىلدىڭ مامىرىندا كارينا ماماش «نە مولچي» قوعامدىق قورىنىڭ الەۋمەتتىك پاراقشاسىندا ۇندەۋ جاريالاپ، سىرتقى ىستەر مينيسترلىگىندە ديپلومات بولىپ قىزمەت ەتەتىن كۇيەۋىنەن زورلىق-زومبىلىق كورگەنىن مالىمدەگەن ەدى.
