قىتاي بيلىگى 2025–2027 جىلدار ارالىعىنا ارنالعان وزەندەر مەن كولدەردى قورعاۋ جانە اباتتاندىرۋ جونىندەگى ءىس-قيمىل جوسپارىن جاريالادى، دەپ حابارلايدى «ادىرنا» ءتىلشىسى «سينحۋا» اگەنتتىگىنە سىلتەمە جاساپ.
جوسپاردا سۋ ەكوجۇيەلەرىنىڭ ساپاسىن جاقسارتۋعا باسا نازار اۋدارىلعان.
21 مامىردا قحر ەكولوگيا جانە قورشاعان ورتانى قورعاۋ مينيسترلىگى مەن باسقا دا ۇكىمەتتىك ۆەدومستۆولار بىرلەسىپ جاريالاعان قۇجاتتا 2030 جىلعا دەيىن وزەندەر مەن كولدەردى اباتتاندىرۋدى ايتارلىقتاي ىلگەرىلەتۋ، ال 2035 جىلعا قاراي بۇل پروتسەستى تولىق اياقتاۋ مىندەتى قويىلعان.
ەل دەڭگەيىندە قورعالاتىن جانە اباتتاندىرىلاتىن وزەندەر مەن كولدەردىڭ تىزىمىنە 2573 وزەن مەن سۋ ايدىنى ەنگىزىلگەن. ولاردىڭ قاتارىندا ءىرى وزەندەردىڭ نەگىزگى ارنالارى، ەكولوگيالىق ماڭىزى بار باستى كولدەر مەن سۋ قويمالارى بار.
قىتاي - قازاقستانعا اعىپ كەلەتىن وزەننىڭ باسىندا وتىرعان ەل. قىتايدان كەلەتىن ءىرى وزەندەردىڭ ىلە بالقاش كولىنە قۇيسا، ەرتىس وزەنى سولتۇستىك مۇزدى مۇحيتقا قۇيادى.
