اقمولا وبلىسىندا كوكتەمگى ەگىس ناۋقانى بەلسەندى تۇردە جالعاسۋدا. زەرەندى اۋدانىندا الدىڭعى قاتارلى شارۋاشىلىقتاردىڭ ءبىرى – «ديحان پليۋس» جشس. بيىل بۇل سەرىكتەستىك 24 مىڭ گەكتارعا جۋىق القاپقا ەگىن ەگۋدى جوسپارلاعان. بۇگىنگى تاڭدا ەگىس كولەمىنىڭ 65 پايىزى يگەرىلىپ، جۇمىستار جوسپارعا سايكەس جۇرگىزىلۋدە. جالپى اۋدان بويىنشا بۇگىنگە دەيىن 103 272 گەكتار القاپقا ءدان سەبىلگەن.
كوكتەمگى كۇننىڭ ەرتە جىلىنۋى مەن قاردىڭ تەز ەرۋى ديقاندارعا ادەتتەگىدەن ەرتەرەك القاپقا شىعۋعا مۇمكىندىك بەردى. نەگىزگى ەگىس جۇمىستارى ءساۋىر ايىنىڭ سوڭىندا باستالدى. شارۋاشىلىقتا اۋىل شارۋاشىلىعى داقىلدارىن ءارتاراپتاندىرۋ باعىتىندا ناقتى شارالار قولعا الىنعان. اسىرەسە مايلى جانە بۇرشاق داقىلدارىنا بولىنگەن جەر كولەمى ارتتىرىلۋدا. بۇل – نارىقتاعى تۇراقتى سۇرانىسپەن تىكەلەي بايلانىستى.
كوكتەمگى كۇننىڭ ەرتە جىلىنۋى مەن قاردىڭ تەز ەرۋى ديقاندارعا ادەتتەگىدەن ەرتەرەك القاپقا شىعۋعا مۇمكىندىك بەردى. نەگىزگى ەگىس جۇمىستارى ءساۋىر ايىنىڭ سوڭىندا باستالدى. شارۋاشىلىقتا اۋىل شارۋاشىلىعى داقىلدارىن ءارتاراپتاندىرۋ باعىتىندا ناقتى شارالار قولعا الىنعان. اسىرەسە مايلى جانە بۇرشاق داقىلدارىنا بولىنگەن جەر كولەمى ارتتىرىلۋدا. بۇل – نارىقتاعى تۇراقتى سۇرانىسپەن تىكەلەي بايلانىستى.
«بيىل 2500 گەكتارعا راپس، 2607 گەكتارعا بۇرشاق، 1000 گەكتارعا جۋىق زىعىر، 1300 گەكتارعا جاسىمىق ەگۋدەمىز. بۇل داقىلداردان مول ءونىم الىپ، تەز ارادا نارىققا شىعارۋدى كوزدەپ وتىرمىز. ال استىق بويىنشا: 50 پايىزى – قاتتى بيداي (شامامەن 4 مىڭ گەكتار), 6–7 مىڭ گەكتاردان استامى جۇمساق بيداي، شامامەن 600 گەكتارعا ارپا سەبىلەدى»، – دەدى شارۋاشىلىق باسشىسى دەنيس شۆايبوۆيچ.ونىڭ ايتۋىنشا، بۇرشاق تۇقىمداس داقىلدار سۋىققا ءتوزىمدى بولعاندىقتان، 24 ساۋىردەن باستاپ ءدال وسى داقىلدار سەبىلە باستاعان. الدىمەن جاسىمىق، بۇرشاق ەگىلسە، كەيىن مايلى داقىلدارعا (كۇنباعىس، راپس، زىعىر) كوشكەن. قازىرگى تاڭدا بۇل داقىلداردىڭ ءبارى تولىق كولەمدە سەبىلىپ بىتكەن. مەملەكەتتىك قولداۋ تەتىكتەرىن شارۋاشىلىق ءتيىمدى پايدالانۋدا. دەنيس ءشۆايبوۆيچتىڭ ايتۋىنشا، مەملەكەتتىك باعدارلامالار اياسىندا قاجەتتى تىڭايتقىشتارمەن قامتاماسىز ەتىلگەن.
«مەملەكەتتىك باعدارلاما ارقىلى ءارتۇرلى 800 توننادان استام تىڭايتقىش الدىق. ونىڭ 50 پايىزى القاپقا ەنگىزىلدى. كەلىسىمشارتتار قىس مەزگىلىندە-اق جاسالىپ قويدى. مەملەكەت تاراپىنان 60 پايىزى سۋبسيديالانسا، قالعان 40 پايىزىن ءوز قاراجاتىمىزدان تولەدىك. قازىر تىڭايتقىشتىڭ بارلىعى جەتكىزىلدى»، – دەدى ول.ەگىس ناۋقانىنا التى زاماناۋي ەگىس كەشەنى جۇمىلدىرىلعان. قازىرگى تاڭدا سەرىكتەستىكتە 170 ادام ەڭبەك ەتەدى. ولاردىڭ قاتارىندا 2014 جىلدان بەرى وسى شارۋاشىلىقتا جۇمىس ىستەيتىن تاجىريبەلى مەحانيزاتور دميتري ستەجكين دە بار. جالپى اۋىل شارۋاشىلىعى سالاسىنداعى ەڭبەك ءوتىلى 25 جىل. قازىر ول №51 ەگىس القابىندا جۇمىس ىستەپ ءجۇر.
«بۇل القاپتىڭ جارتىسىنان استامى، شامامەن 400 گەكتارى، ەگىلدى. بىزدە بارلىق القاپتار وسىنداي. كۇندەلىكتى ەكى اۋىسىممەن جۇمىس ىستەيمىز تاڭعى 08:30-دان كەشكى 20:30-عا دەيىن. مەن كۇندىز جۇمىس ىستەسەم، ارىپتەسىم تۇنگى اۋىسىمعا شىعادى»، – دەيدى ول.بۇگىندە اۋا رايى ەگىس جۇمىستارىن جۇرگىزۋگە قولايلى. شارۋاشىلىق نەگىزگى جۇمىستاردى مامىر ايىنىڭ سوڭىنا دەيىن اياقتاۋدى جوسپارلاپ وتىر.
