Aqmola oblysynda köktemgı egıs nauqany belsendı türde jalǧasuda. Zerendı audanynda aldyŋǧy qatarly şaruaşylyqtardyŋ bırı – «Dihan Plius» JŞS. Biyl būl serıktestık 24 myŋ gektarǧa juyq alqapqa egın egudı josparlaǧan. Bügıngı taŋda egıs kölemınıŋ 65 paiyzy igerılıp, jūmystar josparǧa säikes jürgızılude. Jalpy audan boiynşa bügınge deiın 103 272 gektar alqapqa dän sebılgen.
Köktemgı künnıŋ erte jylynuy men qardyŋ tez eruı diqandarǧa ädettegıden erterek alqapqa şyǧuǧa mümkındık berdı. Negızgı egıs jūmystary säuır aiynyŋ soŋynda bastaldy. Şaruaşylyqta auyl şaruaşylyǧy daqyldaryn ärtaraptandyru baǧytynda naqty şaralar qolǧa alynǧan. Äsırese maily jäne būrşaq daqyldaryna bölıngen jer kölemı arttyryluda. Būl – naryqtaǧy tūraqty sūranyspen tıkelei bailanysty.
Köktemgı künnıŋ erte jylynuy men qardyŋ tez eruı diqandarǧa ädettegıden erterek alqapqa şyǧuǧa mümkındık berdı. Negızgı egıs jūmystary säuır aiynyŋ soŋynda bastaldy. Şaruaşylyqta auyl şaruaşylyǧy daqyldaryn ärtaraptandyru baǧytynda naqty şaralar qolǧa alynǧan. Äsırese maily jäne būrşaq daqyldaryna bölıngen jer kölemı arttyryluda. Būl – naryqtaǧy tūraqty sūranyspen tıkelei bailanysty.
«Biyl 2500 gektarǧa raps, 2607 gektarǧa būrşaq, 1000 gektarǧa juyq zyǧyr, 1300 gektarǧa jasymyq egudemız. Būl daqyldardan mol önım alyp, tez arada naryqqa şyǧarudy közdep otyrmyz. Al astyq boiynşa: 50 paiyzy – qatty bidai (şamamen 4 myŋ gektar), 6–7 myŋ gektardan astamy jūmsaq bidai, şamamen 600 gektarǧa arpa sebıledı», – dedı şaruaşylyq basşysy Denis Şvaibovich.Onyŋ aituynşa, būrşaq tūqymdas daqyldar suyqqa tözımdı bolǧandyqtan, 24 säuırden bastap däl osy daqyldar sebıle bastaǧan. Aldymen jasymyq, būrşaq egılse, keiın maily daqyldarǧa (künbaǧys, raps, zyǧyr) köşken. Qazırgı taŋda būl daqyldardyŋ bärı tolyq kölemde sebılıp bıtken. Memlekettık qoldau tetıkterın şaruaşylyq tiımdı paidalanuda. Denis Şvaibovichtıŋ aituynşa, memlekettık baǧdarlamalar aiasynda qajettı tyŋaitqyştarmen qamtamasyz etılgen.
«Memlekettık baǧdarlama arqyly ärtürlı 800 tonnadan astam tyŋaitqyş aldyq. Onyŋ 50 paiyzy alqapqa engızıldı. Kelısımşarttar qys mezgılınde-aq jasalyp qoidy. Memleket tarapynan 60 paiyzy subsidiialansa, qalǧan 40 paiyzyn öz qarajatymyzdan töledık. Qazır tyŋaitqyştyŋ barlyǧy jetkızıldı», – dedı ol.Egıs nauqanyna alty zamanaui egıs keşenı jūmyldyrylǧan. Qazırgı taŋda serıktestıkte 170 adam eŋbek etedı. Olardyŋ qatarynda 2014 jyldan berı osy şaruaşylyqta jūmys ısteitın täjıribelı mehanizator Dmitrii Stejkin de bar. Jalpy auyl şaruaşylyǧy salasyndaǧy eŋbek ötılı 25 jyl. Qazır ol №51 egıs alqabynda jūmys ıstep jür.
«Būl alqaptyŋ jartysynan astamy, şamamen 400 gektary, egıldı. Bızde barlyq alqaptar osyndai. Kündelıktı ekı auysymmen jūmys ısteimız taŋǧy 08:30-dan keşkı 20:30-ǧa deiın. Men kündız jūmys ıstesem, ärıptesım tüngı auysymǧa şyǧady», – deidı ol.Bügınde aua raiy egıs jūmystaryn jürgızuge qolaily. Şaruaşylyq negızgı jūmystardy mamyr aiynyŋ soŋyna deiın aiaqtaudy josparlap otyr.
