شقو اۋماعىندا جەر سىلكىنىسى تىركەلدى

شىعىس قازاقستان ايماعىندا جەر سىلكىنىسى سەزىلدى، دەپ حابارلايدى "ادىرنا" ۇلتتىق پورتالى.  25 مامىر كۇنى ساعات 07:40-تا قر تجم «ۇلتتىق سەيسمولوگيالىق زەرتتەۋلەر جانە اقپاراتتار عىلىمي ورتالىعى» شىعىس قازاقستان اۋماعىندا جەر سىلكىنىسى بولعانى تۋرالى اقپارات تاراتتى. جەر سىلكىنىسىنىڭ ەپيتسەنترى رەسەي اۋماعىندا، الماتى قالاسىنان سولتۇستىك-شىعىسقا قاراي 1162 شاقىرىم جەردە ورنالاسقان. تجم مالىمەتىنشە، ءدۇمپۋ قارقىنى كەلەسى دەڭگەيدە سەزىلگەن: وسكەمەن – 2 بالل; قاتونقاراعاي – 2 بالل. "قيراندىلار مەن زارداپ شەككەندەر جوق", – دەلىنگەن حابارلامادا. ايتا كەتەيىك، 23 مامىردا جەر سىلكىنىسى تالدىقورعاندا دا تىركەلگەن ەدى.