تايلاندتىڭ پراچۋاپكحيريكحان پروۆينتسياسىندا پوليتسياعا تيەسىلى Bell 212 ماركالى تىكۇشاق وقۋ-جاتتىعۋ كەزىندە اپاتقا ۇشىراپ، ءۇش ادام قازا تاپتى، دەپ حابارلايدى "ادىرنا" ۇلتتىق پورتالى.
Bangkok Post گازەتىنىڭ مالىمەتىنشە، تىكۇشاق بورتىندا ءتورت ادام بولعان. اۋە كولىگى مۋانگ اۋدانىندا قۇلاعان. بيلىك وكىلدەرىنىڭ ايتۋىنشا، اپات الدىندا ءبىر ادام پاراشيۋتپەن سەكىرىپ، ءتىرى قالعان. الايدا ونىڭ قازىرگى جاعدايى مەن قايدا ەكەنى ناقتى بەلگىسىز.
تىكۇشاق جەرگىلىكتى ۋاقىتپەن ساعات 13:00 شاماسىندا كورولدىك اۋە كۇشتەرىنىڭ 5-ءشى قاناتىنىڭ اۋە بازاسى ماڭىندا قۇلاعان.
قازىرگى ۋاقىتتا اپات سەبەبى انىقتالىپ جاتىر، وقيعا بويىنشا رەسمي تەرگەۋ باستالدى.
