ازەربايجاندىق الپينيست ۆافا مۇساەۆا ەۆەرەست شىڭىن باعىندىردى، دەپ حابارلايدى «ادىرنا» ءتىلشىسى Caliber اگەنتتىگىنە سىلتەمە جاساپ.
وسىلايشا ول الەمنىڭ ەڭ بيىك شىڭىنا كوتەرىلگەن العاشقى ازەربايجاندىق ايەل اتاندى.
الپينيست بۇل ماقساتىنا جەتۋ ءۇشىن 8 جىل ەڭبەكتەنگەنىن جەتكىزدى.
«قازىر ءوزىمدى جاقسى سەزىنەمىن. 8 جىلدىق ەڭبەگىم اقتالدى. سوڭعى ەكى جىل بويى ماقساتىما جەتۋ ءۇشىن بەلسەندى دايىندالا باستادىم. ەۆەرەست بۇعان دەيىن شىققان تاۋلارىما مۇلدە ۇقسامايدى. مەن ءۇشىن بۇل ەڭ قيىن شىڭ بولدى. جوعارى قاراي باراتىن جول ەشقاشان بىتپەيتىندەي كورىندى. ەۆەرەستكە جەتۋىمە ءدال 35 كۇن كەتتى»،—دەيدى ول.
سونداي-اق مۇساەۆا بۇل جەتىستىگىن ماقتان تۇتاتىنىن جەتكىزدى. الپينيست ەۆەرەستكە شىققاننان كەيىن (ەكى كۇننەن سوڭ) 8516 مەتر بيىكتىكتەگى لحوتسزە شىڭىن دا باعىندىردى.
