الماتى وبلىسىندا قىز الىپ قاشقان توپ جول اپاتىنا ءتۇسىپ، سالدارىنان بويجەتكەن قازا تاپتى، دەپ حابارلايدى «ادىرنا» ءتىلشىسى.
وبلىستىق پوليتسيا دەپارتامەنتى قايعىلى وقيعا 24 مامىر كۇنى ساعات 18:00 شاماسىندا ۇلكەن الماتى اينالما جولىنىڭ 36 شاقىرىمىندا بولعانىن مالىمدەدى.
الدىن الا مالىمەتتەرگە سايكەس، KIA كولىگىنىڭ جۇرگىزۋشىسى Mercedes-Benz اۆتوكولىگىنە بارىپ، جانىنان سوقتىعىسقان.
«سالدارىنان Mercedes-Benz اۋدارىلىپ، سالوندا بولعان جولاۋشى وقيعا ورنىندا قازا تاپتى. جۇرگىزۋشى مەن ءتۇرلى جاراقات العان ەكى جولاۋشى اۋرۋحاناعا جەتكىزىلدى»،—دەلىنگەن حابارلامادا.
قازىر پوليتسيا بەينەباقىلاۋ جازبالارىن، كۋاگەرلەردىڭ جاۋابىن جانە تەحنيكالىق ساراپتاما قورىتىندىلارىن جيناپ جاتىر. قوسىمشا مالىمەتتەر تەرگەۋ بارىسىندا بەلگىلى بولماق.
