27 مامىر تۇندە الماتى وبلىسىنىڭ ىلە اۋدانىندا بولعان جول اپاتىنان ءۇش بالا قازا تاپتى، دەپ حابارلايدى "ادىرنا" ۇلتتىق پورتالى Orda.kz-كە سىلتەمە جاساپ.
الدىن الا مالىمەتتەرگە سايكەس، تۇنگى ساعات ۇشتەن كەيىن جاسوسپىرىمدەردىڭ ءبىرى كولىكتى اتا-اناسىنىڭ رۇقساتىنسىز ءمىنىپ كەتكەن. تاڭعى بەسكە قاراي كولىك اپاتقا ۇشىراعان.
2008 جانە 2009 جىلى تۋعان ەكى بالا وقيعا ورنىندا كوز جۇمعان. تاعى ەكەۋى اۋرۋحاناعا جەتكىزىلگەن. الايدا ولاردىڭ ءبىرى جارتى ساعاتتان كەيىن قايتىس بولعان.
"جول اپاتىنا تۇسكەن ءتورتىنشى بالا قازىر جانساقتاۋ بولىمىندە اۋىر حالدە جاتىر. ونىڭ ءومىرى مەديتسينالىق اپپاراتتاردىڭ كومەگىمەن عانا ساقتالىپ تۇر، – دەپ حابارلادى اۋداندىق ورتالىق اۋرۋحانا.
