ءجاسوسپىرىم شەرزات بولاتتىڭ ولىمىنە قاتىستى ايىپتالۋشىلاردى قورعاۋشىلار سۋديا ەرجان جانۇزاقوۆتى ىسكە قاتىستىرماۋ تۋرالى ءوتىنىش تۇسىرگەن بولاتىن. الايدا بۇل ءوتىنىش قاناعاتتاندىرىلمادى، دەپ حابارلايدى "ادىرنا" ۇلتتىق پورتالى.
بۇعان دەيىن قورعاۋشى جۇمات ابەنوۆ، ياعني ايىپتالۋشى ابزال شىناسىلدى سوتتا قورعاۋشى ادۆوكات، سۋديانى استەن شەتتەتۋ تۋرالى ءوتىنىش بەرگەن بولاتىن. ادۆوكاتتىڭ پىكىرىنشە، سۋديانى ىستەن شەتتەتۋگە سەبەپ – قورعاۋشى ۇسىنعان ساراپشىلاردى سوتقا كۋا رەتىندە شاقىرۋدان باس تارتۋى.
الماتى وبلىسى قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى بەيىمبەتوۆ ايىپتالۋشىلار مەن ولاردىڭ ادۆوكاتىنىڭ ءوتىنىشىن قاناعاتتاندىرۋسىز قالدىرىدى.
"ادۆوكاتتاردىڭ ۋاجدەرى قازاقستان رەسپۋبليكاسىنىڭ قىلمىستىق ءىس جۇرگىزۋ كودەكسىندە بەلگىلەنگەن سۋدياعا شاعىمدانۋ سەبەپتەرى تىزىمىنە سايكەس كەلمەيدى", - دەدى اسقاربەك بەيىمبەتوۆ.
ايتا كەتەرلىگى، بۇل ماسەلە بويىنشا قورعاۋ تاراپىنىڭ پىكىرلەرى ەكىگە جارىلدى. كەيبىر ايىپتالۋشىلاردىڭ ادۆوكاتتارى سۋديانى شەتتەنۋدەن باس تارتۋدى سۇرادى.
ەسكە سالايىق، ءجاسوسپىرىم شەرزات بولاتتىڭ ءولىمى 2024 جىلدىڭ 4 قازانىندا ورىن العان ەدى.
