ۋكراينا رەسەيگە ۋكراين داعدارىسىن بەيبىت جولمەن رەتتەۋ جونىندەگى ۇسىنىستارى جازىلعان مەموراندۋمدى تاپسىردى، دەپ حابارلايدى “ادىرنا” ۇلتتىق پورتالى Tengrinews.kz-كە سىلتەپ.
بۇل تۋرالى ۋكراينا قورعانىس ءمينيسترى رۇستەم ۋمەروۆ Facebook پاراقشاسىندا حابارلادى.
ءمينيستردىڭ ايتۋىنشا، ۋكراينا تاراپىنان دايىندالعان قۇجات رەسەي دەلەگاتسياسىنىڭ باسشىسىنا تاپسىرىلعان. ۋمەروۆ ۋكراينا تاراپىنىڭ وق اتۋدى تولىق ءارى ءسوزسىز توقتاتۋعا جانە ديپلوماتيالىق جۇمىستى جالعاستىرۋعا دايىن ەكەنىن راستادى.
ء“بىز رەسەيلىكتەرمەن كەزدەسۋگە قارسى ەمەسپىز جانە ولاردىڭ دا مەموراندۋمىن كۇتەمىز. كەزدەسۋدىڭ مازمۇندى ءارى ناقتى ناتيجەگە جەتكىزۋى ءۇشىن ولاردىڭ قۇجاتى قاجەت”، – دەدى ول.
سونىمەن قاتار، ۋكراينا سىرتقى ىستەر ءمينيسترىنىڭ ورىنباسارى اندرەي سىبيگا رەسەيگە مەموراندۋمىن بىردەن ۇسىنۋدى تالاپ ەتتى.
“ەگەر رەسەي مەموراندۋمىن ازىرلەپ قويعان بولسا، ونى دەرەۋ تاپسىرۋعا بولادى”، – دەپ جازدى ول X الەۋمەتتىك جەلىسىندە.
بۇعان دەيىن رەسەي ءسىم باسشىسى سەرگەي لاۆروۆ ۋكراينامەن كەلىسسوزدەردىڭ ەكىنشى كەزەڭىن وتكىزۋ ۋاقىتى مەن ورنىن ۇسىنعان ەدى.
ۇقساس جاڭالىقتار
