كاسىپكەر تۇرسىنعالي الاگوزوۆتىڭ قىزمەتكەرلەرىنە پاتەر سىيلاعان ارەكەتى سىنالدى، دەپ حابارلايدى "ادىرنا" ۇلتتىق پورتالى.
Galanz Bottlers كومپانياسىنىڭ يەسى، كاسىپكەر كاسىپورىننىڭ دامۋىنا ەلەۋلى ۇلەس قوسقان 100 وتباسىنا پاتەر كىلتىن تابىستادى.
قوعام بەلسەندىسى ءارى كاسىپكەر احمەتبەك نۇرسيلا الاگوزوۆتىڭ باستاماسىن سىنعا الدى. ونىڭ ايتۋىنشا، مۇنداي قايىرىمدىلىق ازاماتتاردىڭ نامىسىن اياققا تاپتاپ، ماسىلدىق پسيحولوگيانى قالىپتاستىرادى.
«تەگىن بەرۋ – بىرەۋدى قورلاۋ، مازاقتاۋ. ادامدارعا جاعداي جاساۋ كەرەك، ولار وزىنە كەرەگىن ءوز ەڭبەگىمەن تاپسىن. بالىق بەرمە، قارماق بەر»، – دەدى نۇرسيلا.نۇرسيلا مىسال رەتىندە اقش-تاعى «پرۋيتت-ايگوۋ» تۇرعىن ءۇي كەشەنىنىڭ تاجىريبەسىن كەلتىردى. باستاپقىدا الەۋمەتتىك ماقساتپەن سالىنعان بۇل جوبا كەيىن ماسىلدىق پەن قىلمىستىڭ وشاعىنا اينالىپ، اقىرى ءسۇرىلىپ تىنعان بولاتىن. سىنشىنىڭ ايتۋىنشا، الاگوزوۆتىڭ بۇل ارەكەتى – ءوز ونىمدەرى ارقىلى تاپقان قاراجاتتىڭ از بولىگىن «يتكە سۇيەك تاستاعانداي» قايتارۋ عانا. ول «ماكسي چاي» مەن سىرا ونىمدەرىنىڭ دەنساۋلىققا زيانى جونىندە زەرتتەۋ جۇرگىزۋگە شاقىردى.
«ول قازاقستاندىقتاردى ماكسي چاي جانە سىرامەن ۋلاپ تاپقان اقشاسىنىڭ 1%-ىن يتكە سۇيەك لاقتىرعانداي لاقتىردى. حالىق سوعان ءماز»، – دەپ جازدى نۇرسيلا الەۋمەتتىك جەلىدە.تۇرسىنعالي الاگوزوۆ 2024 جىلى شىمكەنت سىرا زاۋىتىن 8 ملرد تەڭگەگە ساتىپ الىپ، وعان 40 ملن دوللاردان استام ينۆەستيتسيا سالعان.
«كەلەسى جىلدىڭ ورتاسىنا قاراي ءبىز ايىنا 10 مىڭ توننا سىرا ءوندىرۋدى كوزدەپ وتىرمىز. قازىرگى ۋاقىتتا ءبىز سىرادان گورى الكوگولسىز سۋسىنداردى كوبىرەك شىعارامىز، بىراق جاڭعىرتۋدان كەيىن كولەمدەردى تەڭەستىرەتىن بولامىز»، – دەپ ءتۇسىندىردى الاگوزوۆ.ونىڭ كۋرسيۆكە بەرگەن سۇحباتىندا كاسىپورىن وعان 400 ملن تەڭگە كولەمىندەگى سالىق قارىزىمەن وتكەنىن ايتتى. بۇل قارىز قازىر وتەلگەن.
«مەنىڭ باستى مىندەتىم – بارلىعىن رەتكە كەلتىرۋ بولدى، ويتكەنى كوپتەگەن جابدىق ەسكىرگەن. ارينە، بۇرىنعى اكتسيونەرلەر دە جۇمىس جاساعان. ولارعا راحمەت – كاسىپورىندى ساقتاپ قالدى. بىراق ءبىز ونى زاماناۋي،Heineken مەن Carlsberg سەكىلدى حالىقارالىق سىرا كومپانيالارىنىڭ ستاندارتتارىنا سايكەس ەتىپ وزگەرتىپ جاتىرمىز»، – دەدى كاسىپكەر.سونىمەن قاتار ول بيىل ۇن جانە ماكارون ونىمدەرىن وندىرەتىن JFood Kazakhstan كومپانياسىن (بۇرىنعى «تسەسنا-استىق») 11 ملرد تەڭگەگە ساتىپ الدى.