استانادا قىتاي تىلىنەن قازاقشاعا اۋدارىلعان كىتاپتىڭ تۇساۋى كەسىلدى، دەپ حابارلايدى “ادىرنا” ۇلتتىق پورتالى.
قىتاي حالىق رەسپۋبليكاسىنىڭ توراعاسى سي ءتسزينپيننىڭ «مەملەكەتتىك باسقارۋ تۋرالى» اتتى 4 تومدىق كىتابىنىڭ قازاق تىلىندەگى نۇسقاسىنىڭ رەسمي تۇساۋكەسەرى ءوتتى. ءىس-شارا نازارباەۆ ۋنيۆەرسيتەتىندە ۇيىمداستىرىلىپ، وعان قىتاي مەن قازاقستاننىڭ ساياسي پارتيالارى، بۇقارالىق اقپارات قۇرالدارى، اناليتيكالىق ورتالىقتارى مەن جوعارى وقۋ ورىندارىنان 300-گە جۋىق وكىل قاتىستى.
ءتورت تومدىق ەڭبەك قىتايداعى «ۇلتتار باسپاسى» مەن قازاقستاندىق «فوليانت» باسپاسىنىڭ بىرلەسكەن ەڭبەگى ناتيجەسىندە قازاق تىلىنە اۋدارىلعان. بۇگىندە بۇل كىتاپ الەمنىڭ 42 تىلىنە تارجىمالانعان.
كىتاپتا سي ءتسزينپيننىڭ 2012 جىلدان بەرگى سويلەگەن سوزدەرى، نۇسقاۋلارى، سۇحباتتارى مەن حاتتارىنان ۇزىندىلەر جيناقتالعان. ەڭبەكتە قحر توراعاسىنىڭ ىشكى جانە
سىرتقى ساياسات، سونداي-اق الەۋمەتتىك-ەكونوميكالىق دامۋ ستراتەگيالارى جونىندەگى كوزقاراستارى كورىنىس تاپقان.
جيناقتا سونداي-اق سي ءتسزينپيننىڭ 2013 جىلى نازارباەۆ ۋنيۆەرسيتەتىندە سويلەگەن ءسوزى دە بار. ءدال سول جەردە قىتاي باسشىسى العاش رەت «ءبىر بەلدەۋ، ءبىر جول» اتتى جاھاندىق ساۋدا-ينفراقۇرىلىمدىق باستاماسىن جاريالاعان بولاتىن.
حالىقارالىق «استانا» عىلىمي كەشەنىنىڭ پرەزيدەنتى سەرىك يرساليەۆ بۇل وقيعانىڭ تاريحي ماڭىزىنا توقتالىپ، باستامانىڭ جۇزەگە اسۋىنا ون جىلدان استام ۋاقىت ىشىندە ەلەۋلى جەتىستىكتەرگە قول جەتكىزىلگەنىن اتاپ ءوتتى.
ال استاناداعى قىتايدى زەرتتەۋ ورتالىعىنىڭ ديرەكتورى گۇلنار شايمەرگەنوۆا بۇل باستاما بۇگىندە الەمنىڭ 150-دەن استام ەلىن بىرىكتىرىپ وتىرعانىن، ال قازاقستان ونىڭ العاشقى قولداۋشىلارىنىڭ ءبىرى بولعانىن ايتتى.
رەداكتسيا تاڭداۋى
