1 ماۋسىم كۇنى ساعات 12:00-دەن 18:00-گە دەيىن عاشىقتار ساياباعىندا EuroFest 2025 فەستيۆالى ۇيىمداستىرىلدى.
فەستيۆال باعدارلاماسى وتە مازمۇندى ءارى قىزىقتى. كەلۋشىلەر ەۋروپا ەلدەرىنىڭ ۇلتتىق تاعامدارى مەن سۋسىندارىنان ءدام تاتىپ، ءتۇرلى ەلدەردىڭ مادەنيەتىمەن جاقىنىراق تانىسا الادى. سونىمەن قاتار، ءىس-شارا اياسىندا ەۋروپالىق وداقتىڭ قازاقستان مەن ورتالىق ازيادا جۇزەگە اسىرىپ جاتقان ءبىلىم بەرۋ، يننوۆاتسيا جانە تۇراقتى دامۋ سالالارىنداعى جوبالارى تانىستىرىلادى.
فەستيۆال اياسىندا ءتۇرلى مۋزىكالىق جانە بي قويىلىمدارى وتەدى. كۇنى بويى يسپان فلامەنكوسى، رۋمىن بيلەرى مەن نەمىس اندەرى شىرقالىپ، حورۆات مادەنيەتىنىڭ كورمەسى ۇيىمداستىرىلادى. سونداي-اق بالالار مەن جاسوسپىرىمدەرگە ارنالعان ويىن-ساۋىق ايماعى مەن شىعارماشىلىق شەبەرحانالار جۇمىس ىستەيدى.
ايتا كەتەرلىگى، EuroFest 2025 تەك مادەني شارا عانا ەمەس، قايىرىمدىلىق ميسسياسى بار الەۋمەتتىك جوبا. فەستيۆال بارىسىندا جينالعان بارلىق قاراجات جەرگىلىكتى قايىرىمدىلىق ۇيىمدارىنا باعىتتالادى.
بۇل — بىرلىك پەن مادەني ارتۇرلىلىكتى دارىپتەيتىن، قوعامعا دەگەن جاناشىرلىقتى الدىڭعى قاتارعا قوياتىن ناعىز ەۋروپالىق مەرەكە. ەلوردا تۇرعىندارى مەن قوناقتارىن وسى جارقىن وقيعانىڭ ءبىر بولىگى بولۋعا شاقىرامىز.
