اقتوبە وبلىسىندا بەلگىلى نەفرولوگ-دارىگەر اباي ايساعاليەۆ ءولى تابىلدى، دەپ حابارلايدى «ادىرنا» ءتىلشىسى «دياپازونعا» سىلتەمە جاساپ.
دارىگەر 23 مامىر كۇنى جوعالىپ كەتكەن. جۇما كۇنى ونى ىزدەۋگە ەرىكتىلەر دا قوسىلعان، ال سەنبى كۇنى ونىڭ كىسى قولىنان كوز جۇمعانى بەلگىلى بولدى.
وبلىستىق پوليتسيا دەپارتامەنتىنىڭ مالىمەتىنشە، قازىر كۇدىكتى ۇستالىپ، قاماۋعا الىنعان.
«اقتوبە قالاسىندا بۇرىن حابار-وشارسىز كەتكەن 1956 جىلى تۋعان ەر ادامدى ءولتىردى دەگەن كۇدىكپەن 31 جاستاعى جەرگىلىكتى تۇرعىن ۇستالدى. قازىرگى ۋاقىتتا وعان قاتىستى بارلىق قاجەتتى تەرگەۋ ارەكەتتەرى جۇرگىزىلۋدە. كۇدىكتى ۋاقىتشا ۇستاۋ يزولياتورىنا ورنالاستىرىلدى. تەرگەۋ مۇددەسى ءۇشىن باسقا دا مالىمەتتەر جاريا ەتىلمەيدى»، - دەلىنگەن حابارلامادا.