اقتاۋ قالاسىندا تەگىن بالمۇزداق تاراتقان «Abu Baby» بالالار كيىم دۇكەنىنىڭ يەسى جاۋاپقا تارتىلدى، دەپ حابارلايدى «ادىرنا» ءتىلشىسى.
قالا اكىمدىگىنىڭ مالىمەتىنشە، اكتسيا رۇقساتسىز ۇيىمداستىرىلعان.
«1 ماۋسىم – حالىقارالىق بالالاردى قورعاۋ كۇنىنە وراي اقتاۋ قالاسىنداعى 29-شاعىناۋداندا «Abu Baby» بالالار كيىم دۇكەنى ازىق-تۇلىك پەن سىيلىقتاردى تەگىن تاراتۋ بويىنشا ءىس-شارا ۇيىمداستىردى. الايدا بۇل اكتسيا الدىن الا ەسكەرتىلمەگەن جانە جەرگىلىكتى اتقارۋشى ورگاندارمەن كەلىسپەستەن وتكىزىلگەن. ناتيجەسىندە كوپتەگەن ادام جينالىپ، قوعامدىق ءتارتىپ بۇزىلىپ، قالا تۇرعىندارى اراسىندا شيەلەنىس تۋىندادى»، - دەپ مالىمدەدى اكىمدىك وكىلدەرى.
وسىعان بايلانىستى كاسىپ يەسىنە 20 اەك كولەمىندە ايىپپۇل سالىنعان.
ەسكە سالا كەتەيىك، ازاماتتاردىڭ جاپپاي قاتىسۋىمەن وتكىزىلەتىن كەز كەلگەن ءىس-شارالار، سونىڭ ىشىندە قايىرىمدىلىق اكتسيالارى، ازىق-تۇلىك پەن سىيلىقتاردى تاراتۋ سىندى ءىس-شارالار قوعامدىق ورىنداردا وتكىزىلەتىن جاعدايدا، قازاقستان رەسپۋبليكاسىنىڭ قولدانىستاعى زاڭناماسىنا سايكەس، ءتيىستى ەلدى مەكەننىڭ اكىمدىگىمەن مىندەتتى تۇردە الدىن الا كەلىسىلۋى قاجەت.
