اقمولا وبلىسىندا حالىقارالىق بالالاردى قورعاۋ كۇنىنە وراي اۋقىمدى جانە مازمۇندى شارالار وتكىزىلدى. 2025 جىلعى 22 مامىر مەن 1 ماۋسىم ارالىعىندا العاش رەت ۇيىمداستىرىلعان «قازاقستان بالالارى» ۇلتتىق ناۋقانى اياسىندا 2 مىڭنان استام مادەني-اعارتۋشىلىق جانە تاربيەلىك ءىس-شارا وتكىزىلدى، دەپ حابارلايدى وڭىرلىك كوممۋنيكاتسيالار قىزمەتىنەن.
مەكتەپ وقۋشىلارى ءتۇرلى مەملەكەتتىك مەكەمەلەر مەن مادەني وشاقتارعا بارىپ، ماماندىق يەلەرىمەن تانىستى. اتا-انالارعا تاربيەلەۋ بىلىكتىلىگىن ارتتىرۋ ماقساتىندا ترەنينگتەر ۇيىمداستىرىلسا، كىشكەنتاي بۇلدىرشىندەرگە ارنالعان سۋرەت بايقاۋلارى، سپورتتىق جارىستار مەن كوڭىل كوتەرۋ ءىس-شارالارى ءوتتى.
27 مامىردا بارلىق ءبىلىم بەرۋ ۇيىمدارىندا «بالالار ءۇنى» ءىس-شاراسى ءوتتى. 2700-گە جۋىق بالا ءوز ۇسىنىستارى مەن پىكىرلەرىن بىلدىرسە، 340 مەكتەپتە دەباتتىق ويىندار ۇيىمداستىرىلدى. بۇل باستاما بالالاردىڭ داۋسىن ەستۋدىڭ ماڭىزىن كورسەتتى.
«بالالاردىڭ ءاربىر ۇسىنىسى ءبىز ءۇشىن ماڭىزدى. “بالالار ءۇنى” جوباسى ارقىلى ءبىز ولارعا قوعامنىڭ تولىققاندى مۇشەسى رەتىندە ءوز ويىن ايتۋعا مۇمكىندىك بەردىك. بۇل – ەل بولاشاعىنا سالىنعان ينۆەستيتسيا»، دەدى اسەم اساينوۆاجەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان تالىمگەرلىك جۇيە ەنگىزىلدى. بۇگىندە 70 بالاعا 35 تالىمگەر جەتەكشىلىك ەتەدى. 2025 جىلدان باستاپ كاسىبي اسىراپ الۋشى وتباسى مودەلى ەنگىزىلەدى، بۇل جەتىم بالالاردىڭ ءومىر ءسۇرۋ ساپاسىن ارتتىرۋعا باعىتتالعان. وبلىستا 490 مەكتەپ پەن 29 كوللەدجدە پسيحولوگيالىق قىزمەتتەر جۇمىس ىستەيدى. 2024 جىلعى ساۋىردەن باستاپ كوكشەتاۋ قالاسىندا 24/7 رەجيمىندە سەنىم تەلەفونى بار پسيحولوگيالىق قولداۋ ورتالىعى قۇرىلدى.
«بالا – باستى بايلىعىمىز. ءبىز ءبىلىم بەرۋ جۇيەسىندە تەك وقىتۋ ەمەس، سونىمەن قاتار ولاردىڭ پسيحولوگيالىق ساۋلىعىن قامتاماسىز ەتۋگە ەرەكشە ءمان بەرۋدەمىز. بۇل — ۇزاق مەرزىمدى ناتيجەگە باستايتىن جول»، دەپ تولىقتىردى ءبىلىم باسقارماسى باسشىنىڭ ورىنباسارى بوتاكوز دۇيسەنوۆا.توتەنشە جاعدايلار دەپارتامەنتى ۇيىمداستىرعان رەسپۋبليكالىق «بالالاردىڭ قاۋىپسىزدىگى – باستى نازاردا» اكتسياسى بالالاردىڭ قاۋىپسىزدىك مادەنيەتىن ارتتىرۋعا باعىتتالدى. بالالار ءورت ءسوندىرۋ تەحنيكاسىمەن تانىسىپ، انيماتورلارمەن بىرگە مەرەكەنى قىزىقتى وتكىزدى. تەاترلاندىرىلعان سپەكتاكلدەر مەن بايقاۋلار مەرەكەنىڭ مازمۇنىن بايىتتى. اقمولا وبلىسىندا بالالاردىڭ ءال-اۋقاتى مەن قاۋىپسىزدىگى كۇندەلىكتى باقىلاۋدا. مەملەكەتتىك ورگاندار، ءبىلىم مەكەمەلەرى مەن ازاماتتىق قوعام بىرلەسىپ، ءار بالانىڭ قۇقىعى قورعالاتىن ورتا قالىپتاستىرۋدا.
