Aqmola oblysynda Halyqaralyq balalardy qorǧau künıne orai auqymdy jäne mazmūndy şaralar ötkızıldı. 2025 jylǧy 22 mamyr men 1 mausym aralyǧynda alǧaş ret ūiymdastyrylǧan «Qazaqstan balalary» ūlttyq nauqany aiasynda 2 myŋnan astam mädeni-aǧartuşylyq jäne tärbielık ıs-şara ötkızıldı, dep habarlaidy Öŋırlık kommunikasiialar qyzmetınen.
Mektep oquşylary türlı memlekettık mekemeler men mädeni oşaqtarǧa baryp, mamandyq ielerımen tanysty. Ata-analarǧa tärbieleu bılıktılıgın arttyru maqsatynda treningter ūiymdastyrylsa, kışkentai büldırşınderge arnalǧan suret baiqaulary, sporttyq jarystar men köŋıl köteru ıs-şaralary öttı.
27 mamyrda barlyq bılım beru ūiymdarynda «Balalar ünı» ıs-şarasy öttı. 2700-ge juyq bala öz ūsynystary men pıkırlerın bıldırse, 340 mektepte debattyq oiyndar ūiymdastyryldy. Būl bastama balalardyŋ dausyn estudıŋ maŋyzyn körsettı.
«Balalardyŋ ärbır ūsynysy bız üşın maŋyzdy. “Balalar ünı” jobasy arqyly bız olarǧa qoǧamnyŋ tolyqqandy müşesı retınde öz oiyn aituǧa mümkındık berdık. Būl – el bolaşaǧyna salynǧan investisiia», dedı Äsem AsainovaJetım balalar men ata-anasynyŋ qamqorlyǧynsyz qalǧan balalarǧa arnalǧan tälımgerlık jüie engızıldı. Bügınde 70 balaǧa 35 tälımger jetekşılık etedı. 2025 jyldan bastap käsıbi asyrap aluşy otbasy modelı engızıledı, būl jetım balalardyŋ ömır süru sapasyn arttyruǧa baǧyttalǧan. Oblysta 490 mektep pen 29 kolledjde psihologiialyq qyzmetter jūmys ısteidı. 2024 jylǧy säuırden bastap Kökşetau qalasynda 24/7 rejimınde senım telefony bar psihologiialyq qoldau ortalyǧy qūryldy.
«Bala – basty bailyǧymyz. Bız bılım beru jüiesınde tek oqytu emes, sonymen qatar olardyŋ psihologiialyq saulyǧyn qamtamasyz etuge erekşe män berudemız. Būl — ūzaq merzımdı nätijege bastaityn jol», dep tolyqtyrdy bılım basqarmasy basşynyŋ orynbasary Botaköz Düisenova.Tötenşe jaǧdailar departamentı ūiymdastyrǧan respublikalyq «Balalardyŋ qauıpsızdıgı – basty nazarda» aksiiasy balalardyŋ qauıpsızdık mädenietın arttyruǧa baǧyttaldy. Balalar ört söndıru tehnikasymen tanysyp, animatorlarmen bırge merekenı qyzyqty ötkızdı. Teatrlandyrylǧan spektaklder men baiqaular merekenıŋ mazmūnyn baiytty. Aqmola oblysynda balalardyŋ äl-auqaty men qauıpsızdıgı kündelıktı baqylauda. Memlekettık organdar, bılım mekemelerı men azamattyq qoǧam bırlesıp, är balanyŋ qūqyǧy qorǧalatyn orta qalyptastyruda.
