اقمولا وبلىسىندا 2025 جىلعى 22 مامىر مەن 1 ماۋسىم ارالىعىندا حالىقارالىق بالالاردى قورعاۋ كۇنىنە ورايلاستىرىلعان «قازاقستان بالالارى» كونۆەنتسياسى اياسىندا بارلىق مەديتسينالىق ۇيىمداردا اشىق ەسىك كۇندەرى وتۋدە. بۇل تۋرالى اقمولا وبلىستىق دەنساۋلىق ساقتاۋ باسقارماسىنىڭ انا مەن بالا جانە قوعامدىق دەنساۋلىقتى قورعاۋ ءبولىمىنىڭ باسشىسى گۇلميرا مۇقاشەۆا ءمالىم ەتتى، دەپ حابارلايدى وڭىرلىك كوممۋنيكاتسيالار قىزمەتىنەن.
اتاۋلى شارا اياسىندا مەديتسينا قىزمەتكەرلەرى «سالاۋاتتى بالالىق شاق – سالاۋاتتى بولاشاق» اكتسياسىن وتكىزىپ، اتا-انالار مەن بالالارعا دەنساۋلىقتى ساقتاۋ بويىنشا كەڭەس بەرەدى. سونىمەن قاتار، اشىق الاڭداردا مەرەكەلىك-ويىن باعدارلامالارى مەن اسفالتتا سۋرەت سالۋ اكتسيالارى ۇيىمداستىرىلۋدا.
بۇگىنگى تاڭدا اقمولا وبلىسىندا 228 مىڭنان استام بالا تۇرادى. بالالاردىڭ دەنساۋلىعىن قورعاۋ – مەملەكەتتىك ساياساتتىڭ باسىم باعىتتارىنىڭ ءبىرى. كوپبەيىندى وبلىستىق بالالار اۋرۋحاناسىندا 2025 جىلدىڭ العاشقى ءتورت ايىندا 4000-نان استام بالا ەمدەلگەن. ونىڭ ىشىندە 150 مۇگەدەك بالا، 330 بالا وڭالتۋ باعدارلاماسىنان وتكەن. مەديتسينا سالاسىنداعى تاعى ءبىر جەتىستىك – مۇمكىندىگى شەكتەۋلى 8 جاسار بالاعا العاش رەت سەۆوران پرەپاراتىن قولدانىپ ستوماتولوگيالىق كومەك كورسەتىلگەنى.
«وبلىستا بالالارعا ارنالعان ارنايى مەديتسينالىق قىزمەتتەر – وتورينولارينگولوگيا، نەيروحيرۋرگيا، ۋرولوگيا جانە حيرۋرگيا باعىتتارى بويىنشا جوعارى دەڭگەيدە جۇزەگە اسىرىلۋدا»، دەپ تولىقتىردى سپيكەر.سونىمەن قاتار، نەوناتالدىق، اۋديولوگيالىق جانە پسيحوفيزيكالىق سكرينينگتەر تۇراقتى جۇرگىزىلىپ كەلەدى. بۇل ەرتە جاستاعى بالالار اراسىنداعى اۋرۋلاردى ۋاقتىلى انىقتاپ، الدىن الۋ شارالارىن كۇشەيتۋگە مۇمكىندىك بەرەدى. اقمولا وبلىسىنىڭ دەنساۋلىق ساقتاۋ باسقارماسى بارلىق بالالاردى جانە اتا-انالاردى حالىقارالىق بالالاردى قورعاۋ كۇنىمەن قۇتتىقتاي وتىرىپ، بالالاردىڭ دەنساۋلىعى مەن باقىتتى بولاشاعى ءۇشىن بىرلەسە جۇمىس ىستەۋگە شاقىرادى.
