Aqmola oblysynda 2025 jylǧy 22 mamyr men 1 mausym aralyǧynda Halyqaralyq balalardy qorǧau künıne orailastyrylǧan «Qazaqstan balalary» Konvensiiasy aiasynda barlyq medisinalyq ūiymdarda Aşyq esık künderı ötude. Būl turaly Aqmola oblystyq densaulyq saqtau basqarmasynyŋ ana men bala jäne qoǧamdyq densaulyqty qorǧau bölımınıŋ basşysy Gülmira Mūqaşeva mälım ettı, dep habarlaidy Öŋırlık kommunikasiialar qyzmetınen.
Atauly şara aiasynda medisina qyzmetkerlerı «Salauatty balalyq şaq – salauatty bolaşaq» aksiiasyn ötkızıp, ata-analar men balalarǧa densaulyqty saqtau boiynşa keŋes beredı. Sonymen qatar, aşyq alaŋdarda merekelık-oiyn baǧdarlamalary men asfaltta suret salu aksiialary ūiymdastyryluda.
Bügıngı taŋda Aqmola oblysynda 228 myŋnan astam bala tūrady. Balalardyŋ densaulyǧyn qorǧau – memlekettık saiasattyŋ basym baǧyttarynyŋ bırı. Köpbeiındı oblystyq balalar auruhanasynda 2025 jyldyŋ alǧaşqy tört aiynda 4000-nan astam bala emdelgen. Onyŋ ışınde 150 mügedek bala, 330 bala oŋaltu baǧdarlamasynan ötken. Medisina salasyndaǧy taǧy bır jetıstık – mümkındıgı şekteulı 8 jasar balaǧa alǧaş ret sevoran preparatyn qoldanyp stomatologiialyq kömek körsetılgenı.
«Oblysta balalarǧa arnalǧan arnaiy medisinalyq qyzmetter – otorinolaringologiia, neirohirurgiia, urologiia jäne hirurgiia baǧyttary boiynşa joǧary deŋgeide jüzege asyryluda», dep tolyqtyrdy spiker.Sonymen qatar, neonataldyq, audiologiialyq jäne psihofizikalyq skriningter tūraqty jürgızılıp keledı. Būl erte jastaǧy balalar arasyndaǧy aurulardy uaqtyly anyqtap, aldyn alu şaralaryn küşeituge mümkındık beredı. Aqmola oblysynyŋ densaulyq saqtau basqarmasy barlyq balalardy jäne ata-analardy Halyqaralyq balalardy qorǧau künımen qūttyqtai otyryp, balalardyŋ densaulyǧy men baqytty bolaşaǧy üşın bırlese jūmys ısteuge şaqyrady.
