سىرىم اۋدانىندا بولعان قايعىلى وقيعاعا بايلانىستى باتىس قازاقستان وبلىسىنىڭ اكىمى ناريمان تورەعاليەۆ قازا تاپقان بالالاردىڭ اتا-انالارى مەن جاقىندارىنا كوڭىل ايتتى.
«سىرىم اۋدانىندا قازا تاپقان بالالاردىڭ اتا-انالارى مەن جاقىندارىنا قايعىلارىنا ورتاقتاسىپ، كوڭىل ايتامىن»، – دەدى وبلىس باسشىسى.
ونىڭ تاپسىرماسىمەن وقيعا ورنىنا اكىمنىڭ ورىنباسارى جىبەرىلدى. قازىرگى ۋاقىتتا اۋدان اكىمى وقيعا ورنىندا ءجۇر، بارلىق قاجەتتى قىزمەتتەردىڭ جۇمىسىن ۇيلەستىرىپ جاتىر.
اكىمدىك تاراپىنان ءتيىستى كومەك كورسەتىلەدى. جەرلەۋ ءراسىمىن ۇيىمداستىرۋ، پسيحولوگيالىق قولداۋ، باسپانامەن قامتاماسىز ەتۋ جانە باسقا دا الەۋمەتتىك كومەك شارالارى جۇزەگە اسىرىلادى.
وقيعا ورنىندا توتەنشە جاعدايلار دەپارتامەنتىنىڭ ماماندارى، پوليتسيا قىزمەتكەرلەرى، مەديتسينا قىزمەتكەرلەرى جانە باسقا دا جاۋاپتى مەكەمەلەر جۇمىس ىستەپ جاتىر.
وبلىس اكىمى جاعدايدى ءوزىنىڭ جەكە باقىلاۋىنا العانىن اتاپ ءوتتى.
ەسكە سالا كەتەيىك، بۇگىن اتا-اناسىىنڭ قاراۋىنسىز قالعان بەس بالا ءورت سالدارىنان قازا تاپتى.
