جاڭاارقا اۋدانىنداعى «اسار» شارۋا قوجالىعىندا ەرەكشە جوبا جۇزەگە اسىرىلۋدا. بۇل جەردە بۇگىندە 1000-نان اسا ەرەسەك قۇرالاي قولدان ءوسىرىلىپ جاتىر.
اسار شارۋاشىلىعى بەتپاقدالا پوپۋلياتسياسىنىڭ تابيعي ارەالىندا ورنالاسقان. بۇل وڭىردە جىل سايىن جاز، قىس مەزگىلدەرىندە مىڭنان استام كيىك مەكەندەيدى. وسىنداي تابيعي ورتادا ورنالاسۋى شارۋاشىلىققا دالا جانۋارلارىن باقىلاۋعا، زەرتتەۋگە جانە قولدان وسىرۋگە ۇلكەن مۇمكىندىك بەرەدى. سونىمەن قاتار، مۇندا اقبوكەندەر اراسىندا كەزدەسەتىن ينفەكتسيالىق اۋرۋلاردى ەرتە انىقتاۋ مەن زەرتتەۋ جۇمىستارى دا جولعا قويىلعان.
شارۋاشىلىق باتىس قازاقستانداعى عىلىمي مەكەمەلەرمەن دە ارىپتەستىك ورناتىپ وتىر. اتاپ ايتقاندا، ورال قالاسىنداعى جاڭگىر حان اتىنداعى باتىس قازاقستان اگروتەحنيكالىق ۋنيۆەرسيتەتىمەن بىرلەسكەن جوبا جۇزەگە اسىرىلۋدا. قاجەتتى رۇقسات قۇجاتتارى راسىمدەلگەن، زاڭدى نەگىزدە جۇمىس جۇرگىزىلۋدە.
بۇل باستاما — اقبوكەن پوپۋلياتسياسىن ساقتاۋ جانە ولاردىڭ بيولوگيالىق ەرەكشەلىكتەرىن تەرەڭ زەرتتەۋ جولىنداعى ماڭىزدى قادامداردىڭ ءبىرى.
