Jaŋaarqa audanyndaǧy «ASAR» şarua qojalyǧynda erekşe joba jüzege asyryluda. Būl jerde bügınde 1000-nan asa eresek qūralai qoldan ösırılıp jatyr.
ASAR şaruaşylyǧy Betpaqdala populiasiiasynyŋ tabiǧi arealynda ornalasqan. Būl öŋırde jyl saiyn jaz, qys mezgılderınde myŋnan astam kiık mekendeidı. Osyndai tabiǧi ortada ornalasuy şaruaşylyqqa dala januarlaryn baqylauǧa, zertteuge jäne qoldan ösıruge ülken mümkındık beredı. Sonymen qatar, mūnda aqbökender arasynda kezdesetın infeksiialyq aurulardy erte anyqtau men zertteu jūmystary da jolǧa qoiylǧan.
Şaruaşylyq Batys Qazaqstandaǧy ǧylymi mekemelermen de ärıptestık ornatyp otyr. Atap aitqanda, Oral qalasyndaǧy Jäŋgır han atyndaǧy Batys Qazaqstan agrotehnikalyq universitetımen bırlesken joba jüzege asyryluda. Qajettı rūqsat qūjattary räsımdelgen, zaŋdy negızde jūmys jürgızılude.
Būl bastama — aqböken populiasiiasyn saqtau jäne olardyŋ biologiialyq erekşelıkterın tereŋ zertteu jolyndaǧy maŋyzdy qadamdardyŋ bırı.
